ଭଦ୍ରକ, (ବାଘୁଆବାର୍ତ୍ତା): ଭଦ୍ରକ ଅବକାରୀ ବିଭାଗ ଦ୍ଵାରା ବିଶ୍ଵ ପରିବେଶ ଦିବସ ସଂଯୁକ୍ତ ରାଷ୍ଟ୍ର ସଂଘ ଦ୍ୱାରା ଚଳିତ ବର୍ଷ ପାଇଁ ନିର୍ଧାରିତ ବିଷୟବସ୍ତୁ ” ପ୍ଲାଷ୍ଟିକ ପ୍ରଦୂଷଣର ସମାପ୍ତି” କୁ ଧ୍ୟାନରେ ରଖି ଧାମନଗର ଆଦର୍ଶ ଅବକାରୀ କାର୍ଯ୍ୟାଳୟଠାରେ ପାଳନ କରାଗଲା। ମାନନୀୟ କ୍ରୀଡା, ଉଚ୍ଚଶିକ୍ଷା ଏବଂ ଓଡ଼ିଶା ଭାଷା, ସାହିତ୍ୟ ଓ ସଂସ୍କୃତିର ମନ୍ତ୍ରୀ ଶ୍ରୀ ସୂର୍ଯ୍ୟବଂଶୀ ସୂରଜ ଏବଂ ମାନନୀୟ ଜିଲ୍ଲାପାଳ, ଭଦ୍ରକ ଶ୍ରୀ ଦିଲିପ ରାଉତରାୟ ଏହି କାର୍ଯ୍ୟକ୍ରମରେ ଯୋଗଦେଇ, ବୃକ୍ଷରୋପଣ କରି ପରିବେଶ ସୁରକ୍ଷା ପାଇଁ ସଚେତନତା ବାର୍ତ୍ତା ପ୍ରଦାନ କଲେ।
ଏହି କାର୍ଯ୍ୟକ୍ରମରେ ଧାମନଗର ବ୍ଲକ ଉନ୍ନୟନ ଅଧିକାରୀ ଶ୍ରୀ ବନବିହାରୀ ଡିଂଡା, ପୋଲିସ ଥାନା ଭାରାପ୍ରାପ୍ତ ନିରୀକ୍ଷକ ଶ୍ରୀ ଗୋପାଳ ଜେନା, ଅବକାରୀ ଅଧିକ୍ଷକ ଶ୍ରୀ ନରୋତ୍ତମ ମିଶ୍ର, ଉପ ଅଧିକ୍ଷୀକା ସୁଚରିତା ମିଶ୍ରଙ୍କ ସମେତ ଅନ୍ୟାନ୍ୟ ବ୍ଲକ ଓ ଜିଲ୍ଲା ସ୍ତରିୟ ଅଧିକାରୀ ଏବଂ ଭଦ୍ରକ ଅବକାରୀ ବିଭାଗର ସଂପୂର୍ଣ୍ଣ ଅଧିକାରୀ ଓ କର୍ମଚାରୀ ଯୋଗଦାନ କରିଥିଲେ। ଏହି ଅବସରରେ ମାନନୀୟ ମନ୍ତ୍ରୀ ଏବଂ ଜିଲ୍ଲାପାଳ ମହୋଦୟ ଆମ ସଂକଳ୍ପ ସଚେତନତା ରଥର ଶୁଭାରମ୍ଭ ମଧ୍ୟ କଲେ। ଏହି ସଚେତନତା ରଥ ଧାମନଗର ବ୍ଲକର ସମସ୍ତ ଗ୍ରାମର କୋଣ ଅନୁକୋଣରେ ” ଆମ ସଂକଳ୍ପ, ନିଶା ନୁହେଁ, ଜୀବନ” କୁ ପ୍ରସାରିତ କରିବ ।
