ନୟାଗଡ଼, (ବାଘୁଆବାର୍ତ୍ତା): ଆଜି ବିଶ୍ୱ ଉଚ୍ଚ ରକ୍ତଚାପ ଦିବସ । ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ବିଶ୍ୱ ଉଚ୍ଚ ରକ୍ତଚାପ ଦିବସ ପାଳିତ ହୋଇଯାଇଛି । ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡ.ମକରନ୍ଦ ବେଉରାଙ୍କ ତତ୍ୱାବଧାନରେ ପାଳିତ ହୋଇଯାଇଛି । ଏହି ସଚେତନତା ସଭାରେ ଡ.ସୁଧାଂଶୁ ଶେଖର ଷଡ଼ଙ୍ଗୀ, ଡ.ପୁଷ୍ପାନିଳିମା ଲାକ୍ରା, ଡ.ସୁବାଷ ଚନ୍ଦ୍ର ନାୟକ, ଡ.ନୌଷଦ ଅଲ୍ଲୀ ଖାଁ, ଡ.ଅଜୟ କୁମାର ବାହିନିପତୀ ପ୍ରମୁଖ ଯୋଗ ଦେଇଥିଲେ ।
ଅତିଥି ମାନେ ନିୟମିତ ବ୍ୟାୟାମ ଓ ଯୋଗ କରିବା ଦ୍ୱାରା ଉଚ୍ଚ ରକ୍ତଚାପ ରୁ ଉପସମ ମିଳିବ ବୋଲି ବକ୍ତବ୍ୟ ରଖିଥିଲେ । ଏଥି ସହିତ ସନ୍ତୁଳିତ ଖାଦ୍ୟ ଖାଇବା ଓ ଚିନ୍ତାମୁକ୍ତ ରହିବା ପାଇଁ ଚେଷ୍ଟା କରିବା ଆବଶ୍ୟକ । ୩୦ ବର୍ଷ ପରେ ରକ୍ତଚାପ ପରୀକ୍ଷା କରିବା ନିହାତି ଆବଶ୍ୟକ । ରକ୍ତଚାପ ଥିଲେ ଡାକ୍ତରଙ୍କୁ ଦେଖାଇ ନିୟମିତ ଔେଷଧ ଖାଇବା ଓ ମଝିରେ ରକ୍ତଚାପ ପରୀକ୍ଷା କରିବା ନିମନ୍ତେ ଅତିଥି ମାନେ ପରାମର୍ଶ ଦେଇଥିଲେ । ଏହିସବୁ ବାର୍ତ୍ତା ଗୁଡିକ ଲୋକମାନଙ୍କ ପାଖରେ ପହଞ୍ଚାଇବା ନିହାତି ଆବଶ୍ୟକ । ଏହି କାର୍ଯ୍ୟକ୍ରମରେ ସ୍ୱାସ୍ଥ୍ୟ ବିଭାଗର କର୍ମଚାରୀ, ଆଶାକର୍ମୀ ଓ ମହିଳା ସ୍ୱାସ୍ଥ୍ୟ କର୍ମୀ ମାନେ ଉପସ୍ଥିତ ରହିଥିଲେ ।
