ନୟାଗଡ଼, (ବାଘୁଆବର୍ତ୍ତା): ନୟାଗଡ଼ ଜିଲ୍ଲା ସ୍ବାସ୍ଥ୍ୟ ବିଭାଗ ପକ୍ଷରୁ ଜିଲ୍ଲା ମୁଖ୍ୟ ଚିକିତ୍ସାଳୟର ସମ୍ମିଳନୀ ଗୃହରେ ବିଶ୍ୱ ରକ୍ତଦାତା ଦିବସ ପାଳିତ ହୋଇଯାଇଛି। ମୁଖ୍ୟ ଅତିଥିଭାବେ ଅତିରିକ୍ତ ମୁଖ୍ୟ ଚିକିତ୍ସା ଅଧିକାରୀ ଡାକ୍ତର ପୁଷ୍ପା ନିଳୀମା ଲାକାରା ଯୋଗ ଦେଇ ରକ୍ତ ଦାନ, ମହତ ଦାନ ଉପରେ ବକ୍ତବ୍ୟ ରଖିଥିଲେ l ରକ୍ତ ଜଣେ ରୋଗୀଙ୍କୁ ମରଣ ମୁଖରୁ ଜୀବନ ଦାନ ଦେଇଥାଏ। ସେହିପରି ରକ୍ତ ଦାନ କରିବା ଦ୍ୱାରା ରକ୍ତଦାତାଙ୍କର ସ୍ବାସ୍ଥ୍ୟ ସଂପର୍କରେ ଆଲୋଚନା କରିଥିଲେ l ସଭାରେ ଅଧ୍ୟକ୍ଷତା କରିଥିଲେ ବ୍ଲଡ଼ ବ୍ୟାଙ୍କ୍ ଅଧିକାରୀ ଡାକ୍ତର ପୀତବାସ ନାୟକ ରକ୍ତ ଦାନ କରିବାକୁ ସମସ୍ତେ ସେଚ୍ଛାକୃତ ଭାବେ ଆଗେଇ ଆସିଲେ ଏକ ସୁସ୍ଥ ସମାଜ ଗଠନ ହୋଇପାରିବ l ସମ୍ମାନିତ ଅତିଥି ଅତିରିକ୍ତ ଜନ ସ୍ବାସ୍ଥ୍ୟ ଅଧିକାରୀ ନୌଷଦ ଅଲ୍ଲୀ ଖାଁ , ଡାକ୍ତର ବନମାଳୀ ପ୍ରଧାନ , ଡାକ୍ତର ପ୍ରସନ୍ନ ପ୍ରସାଦ ସାହୁ ଓ ସମାଜ ସେବୀ ଦାମଦର ସାହୁ ସଭାରେ ଉପସ୍ଥିତ ଥିଲେ ।
ଅଧିକାରି ମାନେ ରକ୍ତଦାନର ନିୟମାବଳି ସମ୍ପର୍କରେ ଆଲୋଚନା କରିଥିଲେ। ୬୦ ଜଣ ରକ୍ତଦାତା ଏହି ସଭାରେ ଯୋଗଦାନ କରି ତାଙ୍କର ବକ୍ତବ୍ୟ ରଖିଥିଲେ। ଗାଁ ଗାଁରେ ସଚେତନତା ହୋଇପାରିଲେ ରକ୍ତଦାତା ସଂଖ୍ୟା ବୃଦ୍ଧି ପାଇବ। ରକ୍ତ ଦାନ କାର୍ଯ୍ୟରେ ବର୍ଷ ତମାମ ସହଯୋଗ କରୁଥିବା କିଛି ରକ୍ତ ଦାତାଙ୍କୁ ଏହି ସମ୍ବର୍ଦ୍ଧିତ କରାଯାଇଥିଲା । ତତ୍ ସହିତ ବିଶ୍ଵ ରକ୍ତଦାତା ଦିବସ ଉପଲକ୍ଷେ ନୟାଗଡ ଅବକାରୀ ବିଭାଗର ଅଧିକାରୀଙ୍କ ତତତ୍ଵାବଧାନରେ ଅବକାରୀ ବିଭାଗର କର୍ମଚାରୀ ମାନେ ରକ୍ତଦାନ କରିଥିଲେ l ଆଜିର ରକ୍ତ ଦାନ ଶିବିରରେ ୪୧ ଜଣ ରକ୍ତ ଦାତା ରକ୍ତ ପ୍ରଦାନ କରିଥିଲେ । ଅତିରିକ୍ତ ସ୍ବାସ୍ଥ୍ୟ ଯୋଗାଯୋଗ ଅଧିକାରୀ ଅଶୋକ ସାହୁ ,ଦୀପକ ଦଳବେହେରା, ଅଜୟ ପଟ୍ଟନାୟକ, ପବିତ୍ର ମୋହନ ସାହୁ କାର୍ଯ୍ୟକ୍ରମରେ ସହଯୋଗ କରିଥିଲେ।
