ଭୁବନେଶ୍ୱର,(ବାଘୁଆବାର୍ତ୍ତା): ଆଜି ହେଉଛି ଅନ୍ତର୍ଜାତୀୟ ମହିଳା ଦିବସ । ଏହି ମହିଳା ଦିବସ ଅବସର ବିଜେଡ଼ି ରାଜ୍ୟ କାର୍ଯ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି । ମହିଳା ସମାବେଶରେ ମୁଖ୍ୟ ଅତିଥି ଭାବେ ଦଳର ସୁପ୍ରିମୋ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗ ଦେଇ ବକ୍ତବ୍ୟ ରଖିଥିଲେ । ବକ୍ତବ୍ୟ ଆରମ୍ଭରୁ ମା’ ମାନଙ୍କ ପାଇଁ ଭଲପାଇବା ସ୍ନେହ ଶ୍ରଦ୍ଧା ଜ୍ଞାପନ କରିଥିଲେ । ମହିଳାଙ୍କ ଉନ୍ନତି ପାଇଁ ବିଜୁବାବୁ କାମ କରୁଥିଲେ, ଏହାକୁ ମଧ୍ୟ ଆଗେଇ ନେଇ ମହିଳା ସଂଗଠନ ସୁଦୃଢ କରିଆସିଛୁ । ମହିଳାମାନଙ୍କୁ ଶସକ୍ତ କରିବା ପାଇଁ ଆମ ଉଦ୍ୟମ ଜାରି ରହିଛି । ମା’ମାନେ ଜନ୍ମର ଜଣେ ଜଣେ ନେତା । ପ୍ରତିଟି ମାଙ୍କ ମନ ଭିତରେ ନେତୃତ୍ୱ ନେବାର ଦୃଢ ଶକ୍ତି ରହିଛି । ପୌର ପରିଷଦ ଓ ପଞ୍ଚାୟତ ସ୍ତରରେ ୫୦% ସଂରକ୍ଷଣ ବ୍ୟବସ୍ଥା କରାଯାଇଛି । ସେହିଭଳି ବିଜେଡି ଦଳ ସଂସଦ କ୍ଷେତ୍ରରେ ୩୩% ପ୍ରତିଶତ ସଂରକ୍ଷଣ ବ୍ୟବସ୍ଥା କରିବାକୁ ଦାବି କରାଯାଇଛି ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି ।
ମହିଳାମାନଙ୍କୁ ସ୍ୱାବଲମ୍ବୀ କରିବା ପାଇଁ ବିନା ସୁଧରେ ଋଣ ଯୋଗାଇ ଦେବା, ୫ହଜାର କୋଟି ଟଙ୍କାର ସରକାରୀ କାମ, ମା’ମାନଙ୍କ ପାଇଁ ୭ଲକ୍ଷ ଟଙ୍କା ପର୍ଯ୍ୟନ୍ତ ମାଗଣା ଚିକିତ୍ସାର ସୁବିଧା, ସଂପତ୍ତି ଅଧିକାର, ରାଶନ କାର୍ଡ, ମା’ମାନଙ୍କ କଲ୍ୟାଣ ପାଇଁ ଜମି ଅଧିକାର ଓ ଝିଅ ମାନଙ୍କ ପଢିବା ପାଇଁ ବୃତ୍ତି, ଆଦି ଅନେକ ଯୋଜନା ଯୋଗାଇ ଦିଆଯାଉଛି । ବିଜେଡି କଥାରେ ନୁହେଁ କାମରେ ବିଶ୍ୱାସ କରେ ତେଣୁ ମା’ମାନଙ୍କ କଲ୍ୟାଣ ଓ ଅଧିକାର ପାଇଁ ବିଜୁ ଜନତା ଦଳର ଲଢେଇ ଜାରି ରହିଥିଲା, ରହିଛି ଏବଂ ଆଗକୁ ରହିବ । ମୋ ବିଶ୍ୱାସକୁ ଆଜି ମିଶନ ଶକ୍ତି ମାଧ୍ୟମରେ ଶସକ୍ତ ୮୦ଲକ୍ଷ ମହିଳାଙ୍କ ବାହିନୀ ତୃଣମୂଳସ୍ତରରେ ପରିବର୍ତ୍ତନ ଆଣିବାରେ ସକ୍ଷମ ହୋଇଛନ୍ତି ବୋଲି ଆଜିର ଏ ପବିତ୍ର ମହିଳା ମହାସମାବେଶରେ ମୁଖ୍ୟମନ୍ତ୍ରୀ ପ୍ରକାଶ କରିଛନ୍ତି ।
