ପରକ୍ରିୟାପ୍ରୀତିକୁ ନେଇ ଅଭିଯୁକ୍ତକୁ ବିଦ୍ୟୁତ୍ ଖୁଣ୍ଟରେ ବାନ୍ଧିଲେ

ବାଲେଶ୍ୱର, (ବାଘୁଆବାର୍ତ୍ତା): ପରକ୍ରିୟା ପ୍ରୀତି କରୁଥିଲେ । ଧରା ପଡିବାରୁ ବିଦ୍ୟୁତ୍ ଖୁଣ୍ଟରେ ବନ୍ଧା ହେଲେ । ଏଭଳି ଘଟଣା ଘଟିଛି ରେମୁଣା ଥାନା ଅଞ୍ଚଳରେ । ସୂଚନାନୁସାରେ, ବାଲେଶ୍ୱର ଜିଲ୍ଲା ରେମୁଣା ଥାନା ଅନ୍ତର୍ଗତ ରସଲପୁର ଗାଁରେ ଗତକାଲି ବିଳମ୍ବିତ ରାତିରେ ଅନ୍ୟ ଏକ ଗାଁରୁ ଟିକନ ଦଳେଇ ନାମକ ଜଣେ ବିବାହିତ ପୁରୁଷ ଜଣଙ୍କ ଜଣେ ମହିଳାଙ୍କ ଘରେ ପସିଥିଲା । ମହିଳାଙ୍କ ସ୍ୱାମୀ ଘରେ ନଥିବା ବେଳେ ଟିକନ ଦଳେଇ ଘରେ ପସିଥିଲା । ଏଠାକୁ ଆସିଛ ବୋଲି କହିବାରୁ ପୂର୍ବ ସଂପର୍କକୁ ନେଇ ଉଭୟଙ୍କ ମଧ୍ୟରେ କଥା କଟାକଟି ହୋଇଥିଲା । ପଚାରିବା ପରେ ସେଠାରୁ ରାଗି ପଳାଇ ଯାଇଥିଲା ଟିକନ । ରାତିରେ ସ୍ୱାମୀ ବାହାରକୁ ଉଠି ଦେଖିଲା ପରେ ଉଭୟଙ୍କ ମଧ୍ୟ ବଚସା ହୋଇ ମାରପିଟ୍ ହୋଇଥିଲା । ଶେଷରେ ରାତି ୩ଟା ପରେ ଟିକନ ଦଳେଇ ମହିଳାଙ୍କ ପରିବାର ଲୋକ ବିଦ୍ୟୁତ୍ ଖୁଣ୍ଟରେ ବାନ୍ଧିଥିଲେ । ତେବେ ଟିକନ ଦଳେଇ ଉକ୍ତ ମହିଳାଙ୍କୁ ଏକ ତରଫା ଭଲପାଉଥିଲେ ।