ନୟାଗଡ଼, (ବାଘୁଆବାର୍ତ୍ତା): ନୂଆଗାଁ ଥାନା ଅନ୍ତର୍ଗତ କମଳାପାଟଣା ଗ୍ରାମରେ ଏକ ସ୍ତ୍ରୀକୁ ହତ୍ୟା ଅଭିଯୋଗରେ ଗିରଫ ହୋଇଛି ସ୍ୱାମୀ ଦୟା ବେହେରା । ପାରିବାରିକ କଳହକୁ ନେଇ ସ୍ୱାମୀ ସ୍ତ୍ରୀ ମଧ୍ୟରେ ବିଭିନ୍ନ ସମୟରେ ଝଗଡ଼ା ଲାଗୁଥିଲା । ଆଜି ସ୍ତ୍ରୀ କାନ୍ତିଲତା ବେହେରାଙ୍କ ଝୁଲାନ୍ତା ମୃତ ଦେହ ଘର ଭିତରୁ ଉଦ୍ଧାର କରାଯାଇଥିଲା । ପୁଲିସ ଖବରପାଇ ଘଟଣାସ୍ଥଳରେ ପହଂଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଥିବା ସହ ତଦନ୍ତ ଆରମ୍ଭ କରିଥିଲା । କାନ୍ତିଲତାଙ୍କ ବାପା ଗଣିଆ ଅଂଚଳର ଯୁଗଳ ବେହେରା ତାଙ୍କ ଝିଅକୁ ଜ୍ୱାଇଁ ଦୟା ହତ୍ୟା କରି ଝୁଲାଇ ଦେଇଥିବା ନୂଆଗାଁ ଥାନାରେ ଅଭିଯୋଗ କରିଥିଲେ । ନୂଆଗାଁ ପୁଲିସ ଏକ ମାମଲା ରୁଜୁ କରି ଦୟାଙ୍କୁ ଗିରଫ କରି କୋର୍ଟ ଚାଲାଣ କରିଥିବା ଥାନା ଅଧିକାରୀ ରମେଶ କୁମାର ଦେବତା ସୂଚନା ଦେଇଛନ୍ତି ।
