କୂଅରୁ ପାଣି ପମ୍ପ ଚୋରି, ୪ ଜଣ ଗିରଫ, ୧୯ଟି ପାଣି ପମ୍ପ ଉଦ୍ଧାର

ଢେଙ୍କାନାଳ, (ବାଘୁଆବାର୍ତ୍ତା): ଏକ ବଡ଼ ଧରଣର ପାଣି ପମ୍ପ ଚୋରି ରାକେଟକୁ ଠାବ କରିଛି ଢେଙ୍କାନାଳ ଟାଉନ ଥାନା ପୋଲିସ । ଏହି ରାକେଟର ୪ଜଣ ସଦସ୍ୟଙ୍କୁ ଗିରଫ କରିଥିବାବେଳେ ସେମାନଙ୍କଠୁ ୧୯ଟି ପାଣି ପମ୍ପ୍ ଉଦ୍ଧାର କରାଯାଇଛି । ଗିରଫ ଯୁବକମାନେ ସମସ୍ତେ ଢେଙ୍କାନାଳ ସହରର ବୋଲି ଜଣାପଡିଛି । ଉଦ୍ଧାର ପାଣି ପମ୍ପ ମଧ୍ୟରେ ଅଧିକାଂଶ ସମରସେବଲ ପାଣି ପମ୍ପ ରହିଛି । ଏହି ପମ୍ପ ଗୁଡିକ ଢେଙ୍କାନାଳ ସହରର ବିଭିନ୍ନ ଲୋକଙ୍କ କୂଅରୁ ଚୋରି ହୋଇଥିବା ଜଣାପଡିଛି । ଏ ସମ୍ପର୍କରେ ଗୋଟିଏ ଦୁଇଟି ଅଭିଯୋଗ ହେବାରୁ ଟାଉନ ପୁଲିସ ବିଭିନ୍ନ ସ୍ଥାନରେ ଚଢଉ କରିଥିଲା । ଏହାପରେ ହିଁ ପୋଲିସ ରାକେଟକୁ ଠାବ କରିବାରେ ସକ୍ଷମ ହୋଇଥିଲା ବୋଲି ଟାଉନ୍ ଥାନା ଅଧିକାରୀ ପ୍ରକାଶ କରିଛନ୍ତି ।