ପାଣି ପଞ୍ଚାୟତ ପରିକ୍ରମା ରଥକୁ ଶୁଭାରମ୍ଭ କଲେ ଜିଲ୍ଲାପାଳ

ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ପାଣି ପଞ୍ଚାୟତ ପରିକ୍ରମା ରଥକୁ ଶୁଭାରମ୍ଭ କଲେ ଜିଲ୍ଲାପାଳ ରବିନ୍ଦ୍ର ନାଥ ସାହୁ । ଉକ୍ତ ରଥ ଜିଲ୍ଲାରେ ଥିବା ୨୫ଟି ପାଣି ପଞ୍ଚାୟତ ଗ୍ରାମ ଗୁଡିକ ପରିକ୍ରମା କରିବ । ପ୍ରତି ପଞ୍ଚାୟତରେ ପହଞ୍ଚି ଜନସାଧାରଣଙ୍କୁ ଜଳ ସଂରକ୍ଷଣ ଉପରେ ସଚେତନତାର ବାର୍ତା ଦେବ । ଆଜିର ଏହି କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ଜିଲ୍ଲା ପରିଷଦ ମୁଖ୍ୟ ଉନ୍ନୟନ ଅଧିକାରୀ ସୁଚାରୁ କୁମାର ବଳ, ଜଳ ସେଚନ ବିଭାଜନ ନିବନ୍ଧକ ଯନ୍ତ୍ରୀ ପ୍ରିତମ ଚେତନ ପଥାଳ, ସହକାରୀ ଯନ୍ତ୍ରୀ ପ୍ରାଣବନ୍ଧୁ ବେହେରା, ସହକାରୀ ନିର୍ବାହୀ ଯନ୍ତ୍ରୀ ଦଶପଲ୍ଲା ସୁମିତ କୁମାର ଜେନା ଓ ଏଷ୍ଟିମେଟର ପାକିଜା ହୁସେନ ପ୍ରମୁଖ ଉପସ୍ଥିତ ରହିଥିଲେ ।