ନୟାଗଡ଼,(ବାଘୁଆବାର୍ତ୍ତା ବ୍ୟୁରୋ): ସ୍ଥାନୀୟ ନୟାଗଡ଼ ବ୍ଲକ୍ ଅନ୍ତର୍ଗତ ଇଟାମାଟି ଗ୍ରାମ ପଞ୍ଚାୟତର ଆଞ୍ଚଳିକ ମହିଳା ଉନ୍ନୟନ କମିଟି, ଇଟାମାଟିର ସଂଗଠିକା ଅମୀତା ପ୍ରଧାନଙ୍କ ନେତୃତ୍ୱରେ କରୋନା ଭାଇରସ୍ ଲାଗି ଦେଖାଦେଇଥିବା ପରିସ୍ଥିତିର ମୁକାବିଲା କରିବା ପାଇଁ ଭାରତ ଏବଂ ଓଡ଼ିଶା ସରକାରଙ୍କ ତରଫରୁ ଜାରି ହୋଇଥିବା ଲକ୍ଡାଉନ୍ ଲାଗି କାମଧନ୍ଦା ନପାଇ ଗରିବ ଖଟିଖିଆ ଶ୍ରେଣୀର ଲୋକମାନେ କଷ୍ଟରେ ଦିନ କାଟୁଥିବାବେଳେ ଦେବଦୂତ ସାଜି ଗାଁର ସ୍ୱୟଂସହାୟକ ଗୋଷ୍ଠୀର କର୍ମୀ ଭଉଣି ତଥା ସଂଗଠନର ସଦସ୍ୟାମାନଙ୍କୁ ନେଇ ଖାଦ୍ୟପୁଡିଆ ବଣ୍ଟନ କରି ଏହି ଲୋକମାନଙ୍କ ମୁହଁରେ ହସ ଫୁଟାଇଥିବାରୁ ପଞ୍ଚାୟତର ବୁଦ୍ଧିଜୀବୀମାନେ ଉଚ୍ଚ ପ୍ରଶଂସା କରିଛନ୍ତି । ତାଙ୍କର ଏପରି କାର୍ଯ୍ୟକୁ ସ୍ଥାନୀୟ ଜନସାଧାରଣ ସାଧୁବାଦ ଜଣାଇଛନ୍ତି । ଠିକ୍ ସେହିପରି ଚଣ୍ଡିବସ୍ତ ଗ୍ରାମପଞ୍ଚାୟତ ଅନ୍ତର୍ଗତ ଆଜାଦ୍ହିନ୍ଦ ଯୁବ ସଂସଦ ମାଙ୍କପଲ୍ଲୀର ସମ୍ପାଦକ ପ୍ରଫୁଲ୍ଲ କୁମାର ବେହେରା ଏହି କରୋନା ଭାଇରସ୍ରୁ ରକ୍ଷା ପାଇବା ପାଇଁ ବାଟୋଇମାନଙ୍କୁ ନିଜର ଉଦ୍ୟମରେ ମାସ୍କ ବଣ୍ଟନ କରି ସଚେତନତା ସୃଷ୍ଟି କରିଥିଲେ ।
ସହାୟତାର ହାତ ବଢ଼ାଇଲେ ସ୍ୱେଚ୍ଛାସେବୀମାନେ…
