ଭଞ୍ଜନଗର, (ବାଘୁଆବାର୍ତ୍ତା): ଭିଜିଲାନ୍ସ ଜାଲରେ ବେଲଗୁଣ୍ଠା ତହସିଲ ଅନ୍ତର୍ଗତ ଗାଙ୍ଗପୁର ଅଞ୍ଚଳରେ କାର୍ଯ୍ୟରତ ରାଜସ୍ବ ନିରୀକ୍ଷକ ପ୍ରଦୀପ କୁମାର ଗୌଡ଼ । ଲାଞ୍ଚ ନେବା ମାମଲାରେ ଆରଆଇ ପ୍ରଦୀପ କୁମାର ଗୌଡ଼ଙ୍କୁ ଭିଜିଲାନ୍ସ ଧରିଛି। ମିଳିଥିବା ସୂଚନା ମୁତାବକ ଗାଙ୍ଗପୁର ଅଞ୍ଚଳର ଜଣେ ବ୍ୟକ୍ତିଙ୍କ ଜମି ବିକ୍ରି ପାଇଁ ଆବଶ୍ୟକୀୟ ଦସ୍ତାବିଜ କରାଇଦେବା ନେଇ ଆରଆଇ ପ୍ରଦୀପ କୁମାର ଗୌଡ଼ ୭ ହଜାର ଲାଞ୍ଚ ମାଗିଥିଲେ। ଏନେଇ ଉକ୍ତ ବ୍ୟକ୍ତି ଜଣଙ୍କ ଭିଜିଲାନ୍ସରେ ଅଭିଯୋଗ କରିଥିଲେ। ତେବେ ଆଜି ଆରଆଇ ପ୍ରଦୀପ କୁମାର ଗୌଡ଼ ଲାଞ୍ଚ ନେବା ସୟମରେ ତାଙ୍କୁ ଧରିଛି ଭିଜିଲାନ୍ସ। ଏଥି ସହିତ ଆୟ ବର୍ହିଭୂତ ସମ୍ପତ୍ତି ଠୁଳ ଆରଆଇ ପ୍ରଦୀପ କୁମାର ଗୌଡ଼ଙ୍କର ଦୁଇଟି ସ୍ଥାନରେ ମଧ୍ୟ ଭିଜିଲାନ୍ସ ଟିମ୍ ଚଢଉ କରିଛି। ଏହି ସଂପର୍କରେ ବରହମପୁର ଭିଜିଲାନ୍ସ ଥାନାରେ କେସ୍ No. 9 dt. 24.06.2024 U/s 7 P.C (ସଂଶୋଧନ) ଅଧିନିୟମ, ୨୦୧୮ ପଞ୍ଜିକୃତ ହୋଇଛି । ଅଭିଯୁକ୍ତ ଆରଆଇ ପ୍ରଦୀପ କୁମାର ଗୌଡ଼ଙ୍କ ବିରୋଧରେ ତଦନ୍ତ ଚାଲିଛି। ବିସ୍ତୃତ ରିପୋର୍ଟକୁ ଅପେକ୍ଷା କରାଯାଇଛି।





