ଭଦ୍ରକ, (ବାଘୁଆବାର୍ତ୍ତା): ୩ମାସରେ ୮ଜଣ ଆଇସିଡିଏସ୍ ଅଧିକାରୀଙ୍କୁ ଗିରଫ୍ କରାଯାଇଛି । ଆଇସିଡିଏସର ସୁପରଭାଇଜର ମାନଙ୍କ ନାମରେ ଦୁର୍ନୀତିର ଅଭିଯୋଗ ହୋଇଥିଲା । ଏହାର ତଦନ୍ତ କରି ୮ ଆଇସିଡିଏସ୍ ମହିଳା ଅଧିକାରୀଙ୍କୁ ଗିରଫ୍ କରାଯାଇଛି । ଏଭଳି ଘଟଣା ଘଟିଛି ଭଦ୍ରକ ଜିଲ୍ଲାରେ । ଭଦ୍ରକ ଜିଲ୍ଲାର ଆଇସିଡିଏସ୍ ମହିଳା ଅଧିକାରୀଙ୍କ ନାମରେ ବିଭିନ୍ନ ସମୟରେ ଦୁର୍ନୀତି କରିଥିବା ନେଇ ଭିଜିଲାନ୍ସ ବିଭାଗରେ ଅଭିଯୋଗ ହୋଇଥିଲା । ଦୁର୍ନୀତି ଅଭିଯୋଗକୁ ଗୁରୁତର ସହ ବିଚାର କରି ଭିଜିଲାନ୍ସ ବିଭାଗ ତଦନ୍ତ କରିଥିଲା । ତଦନ୍ତର ଫଳ ସ୍ୱରୂପ ଦୁର୍ନୀତିରେ ସାମିଲ ଥିବା ୮ଜଣ ଆଇସିଡିଏସ୍ ମହିଳା ସୁପରଭାଇଜର ମଲ୍ଲୀଲତା ଦାସ, ପୁଷ୍ପାଞ୍ଜଳୀ ରଥ, ସାରଳା ଦେଇ, କବିତା ମାଥାନ, ସୁବର୍ଣ୍ଣା ସିଂ, ହର୍ଷମଣୀ ଦେଇ ଓ ମୀନା ପାତ୍ରଙ୍କୁ ଭିଜିଲାନ୍ସ ବିଭାଗ ଗିରଫ୍ କରିଛି ।
