ଭୁବନେଶ୍ୱର,(ବାଘୁଆବାର୍ତ୍ତା): ମୁଖ୍ୟମନ୍ତ୍ରୀ ତ୍ରିବେନ୍ଦ୍ର ସିଂ ରାୱତ ଆଜି ନିଜ ପଦରୁ ଇସ୍ତଫା ଦେଇଛନ୍ତି । ଉତ୍ତରାଖଣ୍ଡର ମୁଖ୍ୟମନ୍ତ୍ରୀ ଭାବେ ନିର୍ବାଚିତ ହୋଇଥିଲେ । ତେବେ ମୁଖ୍ୟମନ୍ତ୍ରୀ ସିଂ ରାୱତ ଆଜି ରାଜ୍ୟପାଳ ବେବି ରାଣୀ ମୌର୍ଯ୍ୟାଙ୍କୁ ଭେଟି ଇସ୍ତଫା ପତ୍ର ପଦାନ କରିଥିବା ଜଣାପଡିଛି । ସୂଚନାନୁସାରେ, ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ତ୍ରିବେନ୍ଦ୍ର ସିଂ ରାୱତ ଗତକାଲି ଦିଲ୍ଲୀ ଗସ୍ତକରି ବିଜେପିର ଶୀର୍ଷ ନେତାଙ୍କୁ ଭେଟିଥିଲେ । ତେବେ ଆସନ୍ତାବର୍ଷ ଉତ୍ତରାଖଣ୍ଡରେ ବିଧାନସଭା ନିର୍ବାଚନ ହେବାକୁ ଥିବା ବେଳେ ଉତ୍ତରାଖଣ୍ଡର କେତେକ ବିଧାୟକ ମୁଖ୍ୟମନ୍ତ୍ରୀଙ୍କ କାର୍ଯ୍ୟକଳାପ ଉପରେ ଅସନ୍ତୁଷ୍ଟ ଥିଲେ । ତେଣୁ ନିର୍ବାଚନ ପୂର୍ବରୁ ଶାସକ ବିଜେପି ଦଳରେ ବଡ଼ ଧରଣର ପରିବର୍ତ୍ତନ କରାଯିବ । ତେଣୁ ଏହାକୁ ଦୃଷ୍ଟିରେ ରଖି ଯଦି ମୁଖ୍ୟମନ୍ତ୍ରୀ ସିଂ ରାୱତ ଇସ୍ତପା ନଦେବେ ତାହା ହେଲେ ବିଜେପି ବିଧାନସଭା ନିର୍ବାଚନରେ ପରାଜୟ ବରଣ କରିବାର ଆଶଙ୍କା କରିଥିଲେ ଦଳୀୟ ନେତା । ପୂର୍ବରୁ ଏନେଇ ଅସନ୍ତୁଷ୍ଟ ବିଧାୟକମାନେ ଦିଲ୍ଲୀ ଯାଇ ବିଜେପି ଶୀର୍ଷକ ନେତାଙ୍କୁ ଭେଟି ମୁଖ୍ୟମନ୍ତ୍ରୀଙ୍କ କାର୍ଯ୍ୟକଳାପକୁ ନେଇ ଅଭିଯୋଗ କରିଥିଲେ । ଯାହାଫଳରେ ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ସିଂ ରାୱତ ମହାମହିମ ରାଜ୍ୟପାଳଙ୍କୁ ଭେଟି ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିବା ପତ୍ର ପ୍ରଦାନ କରିଛନ୍ତି ।
