ନୂଆଦିଲ୍ଲୀ, (ବାଘୁଆବାର୍ତ୍ତା): ପର୍ତ୍ତୁଗାଲର ଷ୍ଟାର ଫୁଟବଲର କ୍ରିଷ୍ଟିଆନୋ ରୋନାଲ୍ଡୋ ନିଜକୁ ରେକର୍ଡ ବୁକରେ ସାମିଲ କରିଛନ୍ତି । ଚଳିତବର୍ଷ ୟୁରୋ କପରେ ହଙ୍ଗେରୀ ବିପକ୍ଷ ମ୍ୟାଚରେ ରୋନାଲ୍ଡୋ ଡବଲ ଗୋଲ ସ୍କୋର କରି କୀର୍ତ୍ତିମାନ ସ୍ଥାପନ କରିଛନ୍ତି । ହଙ୍ଗେରୀ ବିପକ୍ଷ ମ୍ୟାଚ ଜିତିବାକୁ ପର୍ତ୍ତୁଗାଲକୁ ଜୋରଦାର ସଂଘର୍ଷ କରିବାକୁ ପଡିଥିଲା । ହଙ୍ଗେରୀ ବିପକ୍ଷରେ ମ୍ୟାଚ ସରିବାର ୩ମିନିଟ୍ ପୂର୍ବରୁ ପର୍ତ୍ତୁଗାଲ କାଉଣ୍ଟର ଆଟାକ କରି ପ୍ରଥମ ଗୋଲ ଦେଇଥିଲା । ଏହାର ମାତ୍ର ଗୋଟିଏ ମିନିଟ ପରେ ରୋନାଲ୍ଡୋ ନିଜର ପ୍ରଥମ ତଥା ପର୍ତ୍ତୁଗାଲ ପକ୍ଷରୁ ଦ୍ୱିତୀୟ ଗୋଲ ଦେଇଥିଲେ । ଇଞ୍ଜୁରୀ ଟାଇମରେ ରୋନାଲ୍ଡୋ ପୁଣି ଆଉ ଗୋଟିଏ ଗୋଲ ଦେଇ ନିଜ ଟିମକୁ ୩-୦ସ୍କୋରରେ ବିଜୟୀ କରିଥିଲେ ।
