ଦେଶରେ ୩କୋଟି ପୁରୁଷ ଅବିବାହିତ !

ବେଚିଂ, (ବାଘୁଆବାର୍ତ୍ତା): ବିଶ୍ୱର ସର୍ବୋଚ୍ଚ ଜନବହୂଳ ରାଷ୍ଟ୍ର ଚୀନ ବିଭିନ୍ନ ସମସ୍ୟା ଦେଇ ଗତି କରୁଛି । ଚୀନର ଜନଗଣନା ଅନୁସାରେ ୩କୋଟି ପୁରୁଷ ଅବିବାହିତ ରହିଛନ୍ତି । ପ୍ରତି ବର୍ଷ ଝିଅଙ୍କ ସଂଖ୍ୟା ତୁଳନାରେ ପୁଅଙ୍କ ସଂଖ୍ୟା ବଢିବା ଯୋଗୁଁ ଏହି ସମସ୍ୟା ସୃଷ୍ଟି ହୋଇଛି । ଗତ ବର୍ଷ ୧.୨କୋଟି ଶିଶୁ ଜନ୍ମ ଗ୍ରହଣ କରିଥିଲେ । ସେମାନଙ୍କ ମଧ୍ୟରୁ ୧୦୦ କନ୍ୟା ସନ୍ତାନ ତୁଳନାରେ ପୁଅଙ୍କ ସଂଖ୍ୟା ଥିଲା ୧୧୧.୩ । ବିବାହ ଯୋଗ୍ୟ ପୁରୁଷଙ୍କ ପାଇଁ କନ୍ୟା ଖୋଜିବା ଏବେ ସେଠାରେ ବଡ଼ ସମସ୍ୟା ଭାବେ ଉଭା ହୋଇଛି । ଚୀନ ଦେଶରେ ଝିଅ ସଂଖ୍ୟା କମ୍ ଥିବାରୁ ଅନେକ ଯୁବକ ଅବିବାହିତ ଜୀବନ କାଟିବାକୁ ପସନ୍ଦ କରୁଛନ୍ତି ।