ନୟାଗଡ଼, (ବାଘୂଆବାର୍ତ୍ତା): ବନ ବିଭାଗକୁ ମିଳିଛି ବଡ଼ ସଫଳତା । ୨ଟିପ୍ର ଶାଗୁଆନ କାଠ ଚୋରା ଚାଲାଣ ହେଉଥିବା ବେଳେ ବନ ବିଭାଗ ହାବୁଡରେ ପଡିଛି । ଗୁରୁବାର ଦିନ ମଧ୍ୟରାତ୍ରରେ କିଛି କାଠ ଚୋରା ବେପାରୀ ଟ୍ରାକ୍ଟର ଯୋଗେ ମୂଲ୍ୟବାନ ସାଗୁଆନ କାଠ ଗୋରାଖୁଣ୍ଟା ପଞ୍ଚାୟତ ଜଙ୍ଗଲରୁ ମାଲକାନଗିରି ଥାନାସ୍ଥ ଏମଭି ୨୪ ଗ୍ରାମକୁ ଚାଲାଣ କରାଯାଉଥିବା ଖବର ବନ ବିଭାଗ ନିକଟରେ ପହଞ୍ଚିଥିଲା । ମାଲକାନଗିରି ଡିଏଫଓ ପ୍ରଦୀପ ମିରାସେଙ୍କ ନିର୍ଦ୍ଦେଶକ୍ରମେ ବନାଞ୍ଚଳ ଅଧିକାରୀ ଜଗନ୍ନାଥ ବିଷୋୟୀଙ୍କ ନେତୃତ୍ୱରେ ବନପାଳ ମୁରଲିଧର ଅନୁଗୁଳିଆ, ଅର୍ଜୁନ ବାଟେ, ରାକେଶ ସେଠୀ, ଓ ୧୫ ବନବିଭାଗ ପାରା ସ୍କ୍ୱାର୍ଡ ଷ୍ଟାଫ୍ ଗୁରୁବାର ମଧ୍ୟ ରାତ୍ରରୁ ଗୋରାଖଣ୍ଟା ପଞ୍ଚାୟତ କାମଲାଗୁଡା ରାସ୍ତାରେ ଛକି ରହିଥିଲେ । ଆଜି ବଡି ଭୋରରୁ ୪ଟାରେ ସେହି ରାସ୍ତାରେ ଦୁଇଟି କାଠୋବୋଝେଇ ଟ୍ରାକ୍ଟର ଆସୁଥିବାର ଦେଖି ବନ ବିଭାଗ କର୍ମଚାରୀମାନେ ଚଢଉ କରିଥିଲେ । ସେଥିରେ ଥିବା ୪ ଜଣ ବ୍ୟକ୍ତି ଦୌଡି ପଳାଇ ଯାଉଥିବାବେଳେ ବନବିଭାଗ କର୍ମଚାରୀମାନେ ସେମାନଙ୍କ କାବୁ କରିଥିଲେ । କାଠ ବୋଝେଇ ଟ୍ରାକ୍ଟର ଦୁଇଟିକୁ ଜବତ କରିବା ସହ ୪ ଜଣଙ୍କୁ ଗିରଫ କରି ରେଞ୍ଜ କାର୍ୟ୍ୟାଳୟକୁ ନେଇଥିଲେ । ଗିରଫ ବ୍ୟକ୍ତିମାନେ ହେଲେ ଏମଭି ୩୯ ଗ୍ରାମର ଭୈରବ ଧର, ମିଣ୍ଟୁ ବିଶ୍ୱାସ, କାଡେଲ ମେଟଲା ଗ୍ରାମର କଶା ସୋଡି, ଦେବେ ପୂଜାରୀ । ଦୁଇଟି ଟ୍ରାକ୍ଟରରେ ୧୩ଟି ବହୁତ ମୂଲ୍ୟବାନ ସାଗୁଆନ ଓ ପିଆଶାଳ କାଠ ଗଣ୍ଡି ଥିଲା । ଜବତ ହୋଇଥିବାକାଠର ମୂଲ୍ୟ ୩ଲକ୍ଷରୁ ଉର୍ଦ୍ଧ ଟଙ୍କା ହେବ ବୋଲି ଜଣାପଡିଛି । କାଠ ଚୋରା ଚାଲାଣ ଅଭିଯୋଗରେ ଗିରଫ ୪ ଜଣଙ୍କୁ ଆଜି କୋର୍ଟ ଚାଲାଣ କରାଯାଇଛି ।
