ନୟାଗଡ଼, (ବାଘୁଆବାର୍ତ୍ତା): ପୁଲିସକୁ ଖବର ଦେଉଥିବା ସନ୍ଦେହ କରି ଦୁଇଜଣଙ୍କ ଗଳା କାଟି ହତ୍ୟା କରିଛନ୍ତି ଲାଲବାହିନୀ । ଏଭଳି ଘଟଣା ଘଟିଛି ମାଲକାନଗିରି-ଛତିଗଡ଼ ସୀମାନ୍ତ ଅଞ୍ଚଳରେ । ସୂଚନାନୁସାରେ, ଛତିଶଗଡ଼ ସୀମାନ୍ତ ସୁକମା ଜିଲ୍ଲାରେ ପୁଣି ଥରେ ରକ୍ତ ମୁଖା ହୋଇଛି ଲାଲାବାହିନୀ । ଉକ୍ତ ଅଞ୍ଚଳରେ ମାଓ ସଂଗଠନ ସୁଦୃଢ ଥିବା ନେଇ ପୁଲିସକୁ ସୂଚନା ଦେଉଥିବା ସନ୍ଦେହରେ ଦୁଇ ଛାତ୍ରଙ୍କ ଗଳାକାଟି ହତ୍ୟା କରି ଫିଙ୍ଗି ଦେଇଛନ୍ତି ଲାଲବାହିନୀ । ଜାଗରକୋଣ୍ଡା ଥାନା ଅନ୍ତର୍ଗତ ମିଲମପାଲ୍ଲି ଜଙ୍ଗଲରେ ଗଳା କଟା ହୋଇ ଦୁଇଜଣ ଛାତ୍ରଙ୍କ ମୃତ ଶରୀର ପଡିଥିଲା । ମୃତ ଶରୀର ପାଖରେ କିଛି ହାତ ଲେଖା ପୋଷ୍ଟର ଛାଡି ଯାଇଛନ୍ତି ମାଓବାଦୀ । ଯେଉଁଥିରେ କି ପୁଲିସର ଇନଫର୍ମର ସନ୍ଦେହରେ ହତ୍ୟା କରାଯାଇଥିବା ନେଇ ଉଲ୍ଲେଖ ହୋଇଛି । ମୃତକମାନେ ହେଲେ ତାତି ହଡମା ଓ ମାଡକାମି ଅର୍ଜ୍ଜୁନ । ଏହି ଖବର ପାଇବା ପରେ ପୁଲିସ ଘଟଣାସ୍ଥଳରେ ପହଞ୍ôଚ ଦୁଇଟି ଯାକ ମୃତ ଶରୀର ଜବତ କରିବା ସହିତ ପାଖରେ ପଡିଥିବା ହାତ ଲେଖା ପୋଷ୍ଟର ଜବତ କରି ତଦନ୍ତ ଆରମ୍ଭ କରିଛି ।
