ଭଦ୍ରକ,(ବାଘୁଆବାର୍ତ୍ତା): ମଦ ନେଇ ଫେରୁଥିବା ବେଳେ ଚେକିଂରେ ପଡି ବନ୍ଧା ହେଲେ ମହୁଲି ବ୍ୟବସାୟୀ । ସୂଚନାନୁସାରେ, ଭଦ୍ରକ ଅବକାରୀ ବିଭାଗ ତରଫରୁ ଆଜି ଭଦ୍ରକ ଗ୍ରାମଞ୍ଚଳ ଥାନା ରମ୍ଭିଳା କେନାଲ ଛକ ନିକଟରେ ଚେକିଂ କରୁଥିବା ବେଳେ ଦ୍ରୁତ ଗତିରେ ସୁଇପ୍ଟ କାର ମାଡିଆସୁଥିବା ଗାଡିକୁ ଅଟକାଇଥିଲେ । ତେବେ କାର ନରଖିବାରୁ ଗାଡ଼ିକୁ ପିଛା କରି ଧରିବାରେ ସକ୍ଷମ ହୋଇଥିଲା ଭଦ୍ରକ ଅବକାରୀ ବିଭାଗ । ତେବେ କାରରେ ୪୦୦ଲିଟର ମହୁଲି ମଦ ଥିବା ଜାଣି ଅବକାରୀ ନିରୀକ୍ଷକ ଜବତ କରିବା ସହିତ କାରରେ ଥିବା ଦୁଇଜଣ ବ୍ୟକ୍ତିଙ୍କୁ ଗିରଫ୍ କରିଥିବା ଜଣାପଡିଛି । ତେବେ ଜବତ ହୋଇଥିବା ମହୁଲି ଆନୁମାନିକ ମୂଲ୍ୟ ୨ଲକ୍ଷ ଟଙ୍କାରୁ ଉର୍ଦ୍ଧ ହେବ ବୋଲି ଅବକାରୀ ନିରୀକ୍ଷକ ଧନେଶ୍ୱର ବରାଡ଼ ସୂଚନା ଦେଇଛନ୍ତି ।
