ନୟାଗଡ଼, (ବାଘୁଆବାର୍ତ୍ତା): ମହୀପୁର ବନାଞ୍ଚଳ ଅନ୍ତର୍ଗତ ଶୁଳିଆ ଜଙ୍ଗଲରୁ ଗତକାଲି ରାତିରେ ୫ଟି ଶାଗୁଆନ କାଠଗଣ୍ଡି ଜବତ ହୋଇଥିବା ବେଳେ ଦୁଇ ଜଣଙ୍କୁ ବନବିଭାଗ ଗିରଫ କରିଛି । ସୂଚନାନୁସାରେ, ଶୁଳିଆ ଜଙ୍ଗଲରେ ବନପାଳ ବବୁଲ ସାହୁ, ବନରକ୍ଷୀ ଜ୍ୟୋତ୍ସାରାଣୀ ନାୟକ ଏବଂ ଅନ୍ୟକିଛି ବନକର୍ମଚାରୀ ରାଧାନାଥପୁର ଅଂଚଳରେ ପ୍ରେଟୋଲିଂ କରୁଥିବା ବେଳେ ଜଙ୍ଗଲରୁ କାଠକାଟୁଥିବା ଦେଖିଥିଲେ । ଏହି କାଠକୁ ବନକର୍ମଚାରୀମାନେ ଜବତ କରିବା ସହ ଏକତାଳ ଗ୍ରାମର ଚିରଞ୍ଜିବୀ ନାୟକ(୩୦) ଏବଂ ଅକ୍ରୁର ନାୟକ(୩୫)ଙ୍କୁ ଗିରଫ କରାଯାଇଥିବା ବନାଞ୍ଚଳ ଅଧିକାରୀ ସୁଧାଂଶୁ ଶେଖର ପଣ୍ଡା ସୂଚନା ଦେଇଛନ୍ତି । ଜବତ କାଖର ମୁଲ୍ୟ ୫ ହଜାର ଟଙ୍କା ହେବ ବୋଲି ଜଣାଯାଇଛି ।
