ସାଙ୍ଗକୁ ବଞ୍ଚାଇବାକୁ ଯାଇ ସାଙ୍ଗର ମୃତ୍ୟୁ

ଅଳତୀ, (ବାଘୁଆବାର୍ତ୍ତା): ଘରୁ କହିକି ଯାଇଥିଲା ଅନ୍ଧାରୀ ଗ୍ରାମକୁ ଭୋଜି ଖାଇବାକୁ ଯାଉଛି । ଶୀଘ୍ର ଫେରିଆସିବି । ଏଭଳି କହି ଖୁସିରେ ସାଙ୍ଗ ମାନଙ୍କ ସହ ଛାତ ଉପରେ ଭୋଜି ଆୟୋଜିତ କରି ମଜା ମସ୍ତି ଚାଲିଥିଲା । ସାଙ୍ଗମାନେ ଭୋଜିରେ ମାତି ଥିବାବେଳେ ହଠାତ ଛାତ ଉପରେ ଥିବା ବିଦ୍ୟୁତ ତାର ସଂସ୍ପର୍ଶରେ ଆସିଯାଇଥିଲା ଆଉ ଏକ ସାଙ୍ଗ । ସାଙ୍ଗକୁ ବଞ୍ଚାଇବାକୁ ଯାଇ ବିଦ୍ୟୁତ୍ ତାରକୁ ଧରିବାରୁ ଘଟଣାସ୍ଥଳରେ ଜୀବନ ହାରିଲା ସାଙ୍ଗ । ମୃତକ ହେଉଛନ୍ତି ବଡପଦନା ଗ୍ରାମର ଶୁଭମ୍ ସାହୁ (୧୯) । ଏଭଳି ଏକ ହୃଦୟ ବିଦାରକ ଘଟଣା ଘଟିଛି ରାମଚନ୍ଦ୍ରପୁର ଥାନା ଅନ୍ତର୍ଗତ ବଡପଦନା ଗ୍ରାମରେ । ସୁଚନା ମୁତାବକ, ବଡପଦନା ଗ୍ରାମର ଶୁଭମ୍ ସାହୁ ସାଙ୍ଗମାନଙ୍କ ସହ ଭୋଜି କରିବାକୁ ଯାଜପୁର ଜିଲ୍ଳାର ଅନ୍ଧାରୀ ଗ୍ରାମକୁ ଯାଇଥିଲା। ସେଠାରେ ଭୋଜି ସମୟରେ ଜଣେ ସାଙ୍ଗ ଛାତ ଉପରେ ଥିବା ବିଦ୍ୟୁତ ତାର ସଂସ୍ପର୍ଶରେ ଆସିଯାଇଥିଲା । ଏହା ଦେଖି ସାଙ୍ଗକୁ ବଞ୍ଚାଇବାକୁ ଯାଇ ବିଦ୍ୟୁତ ଆଘାତରେ ଶୁଭମ୍ର ମୃତ୍ୟୁ ଘଟିଥିବା ଜଣାପଡିଛି । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ଆନନ୍ଦପୁର ମେଡିକାଲକୁ ସ୍ଥାନାନ୍ତର କରିଛି । ଘଟଣାସ୍ଥଳରେ ପୋଲିସ ପହଞ୍ଚି ଅଧିକ ତଦନ୍ତ କରୁଛି ।