ବୁର୍ଲା, (ବାଘୁଆବାର୍ତ୍ତା): ବୁର୍ଲା ଥାନା ଲଡ଼ୁଖାଇ ନିକଟରେ କାର ଦୁର୍ଘଟଣା । କାରରେ ଥିବା ଚାରି ଜଣଙ୍କ ମଧ୍ୟରୁ ୨ ଜଣଙ୍କ ମୃତ୍ୟୁ ହୋଇଥିବା ବେଳେ ୨ ଜଣ ଗୁରୁତର ହୋଇଛନ୍ତି। ଘଟଣାସ୍ଥଳରେ ଗୋଶାଳା ଫାଣ୍ଡି ପୋଲିସ ପହଞ୍ଚି ମୃତ ଦେହ ଉଦ୍ଧାର କରି ବୁର୍ଲା ମେଡିକାଲକୁ ପଠାଇଛି। ସେହିପରି ଆହତଙ୍କୁ ମେଡିକାଲରେ ଚିକିତ୍ସା କରାଯାଉଛି। ମୃତକ ହେଲେ ଗୋଡଭଗା ଅଞ୍ଚଳର ମନିଷ ଗୁପ୍ତା ଓ ସୁବ୍ରତ ସାହୁ। ସେହିପରି ଆହତ ହେଲେ ସୌରଭ ଗୁପ୍ତା ଏବଂ ଆକାଶ ପଟ୍ଟନାୟକ। ବିଳମ୍ବିତ ରାତିରେ ଏକ କାରରେ ସମସ୍ତେ ସମ୍ବଲପୁରରୁ ଗୋଡ଼ଭଗା ଅଭିମୁଖେ ଫେରୁଥିବା ବେଳେ ଲଡୁଖାଇ ନିକଟରେ ଭାରସାମ୍ୟ ହରାଇ କାରଟି ଡିଭାଇଡରକୁ ଧକ୍କା ଦେଇ ଓଲଟି ପଡି ଏକ ଟ୍ରକକୁ ଧକ୍କା ଦେଇଥିଲା l ଘଟଣାସ୍ଥଳରେ ଦୁଇ ମନିଷ ଗୁପ୍ତା ଓ ସୁବ୍ରତ ସାହୁଙ୍କ ମୃତ୍ୟୁ ହୋଇଥିଲା।
