ଖୋର୍ଦ୍ଧା, (ବାଘୁଆବାର୍ତ୍ତା): ବାଲୁଗାଁରେ ସୁନା ଅଳଙ୍କାର ବ୍ୟବସାୟୀ ପ୍ରହଲ୍ଲାଦ ନାୟକଠୁ ଲୁଟ୍ ଘଟଣାରେ ପୁଲିସରୁ ଆଶିଂକ ସଫଳତା । ଏହି ଚୋରି ଘଟଣାରେ ବାଲୁଗାଁ ପୁଲିସ ମୋଟ୍ ୫ ଅଭିଯୁକ୍ତଙ୍କ ମଧ୍ୟରୁ ୨ଜଣଙ୍କୁ ଗିରଫ କରିଛି । ଅଭିଯୁକ୍ତମାନେ ହେଲେ ମହେଶ ପ୍ରଧାନ ଓ ରବି । ବୁଧବାର ଦିନ ପ୍ରାୟ ୧ଟା ବେଳେ ସାମ୍ବାଦିକ ସମ୍ମିଳନୀ କରି ସୂଚନା ଦେଇଛନ୍ତି ଖୋର୍ଦ୍ଧା ଆରକ୍ଷୀ ଅଧିକ୍ଷକ । ଅଭିଯୁକ୍ତଙ୍କୁ ଠାରୁ ୭ କିଲୋଗ୍ରାମ ରୁପା ଅଳଙ୍କାର ଓ ଲୁଟରେ ବ୍ୟବହୃତ ହୋଇଥିବା ଦୁଇଟି ବାଇକ୍ ଜବତ କରିଛି ବାଲୁଗାଁ ପୋଲିସ । ଏହି ଅଳଙ୍କାରର ଆନୁମାନିକ ମୂଲ୍ୟ ୬ ଲକ୍ଷ ଟଙ୍କା ହେବ । ତେବେ ଏହି ଘଟଣାରେ ଅନ୍ୟ ୩ ଅଭିଯୁକ୍ତଙ୍କୁ ପୁଲିସ୍ ଗରିଫ କରିବାରେ ବିଫଳ ହୋଇଛି । ସୂଚନା ଅନୁଯାୟୀ, ଏହି ଗତ ୯ ତାରିଖରେ ବାଲୁଗାଁ ଥାନା ଅନ୍ତର୍ଗତ ଉମାକାନ୍ତପୁର ଗାଁର ପ୍ରହଲ୍ଲାଦ ନାୟକ ବାଲୁଗାଁ, ବାଣପୁର ଓ ଗଞ୍ଜାମ ଜିଲ୍ଲାର କିଛି ଅଞ୍ଚଳରୁ ଅଳଙ୍କାର ନେଇ ଖଲିକୋଟ୍ ଅଭିମୁଖେ ଯାଉଥିଲେ । ଏହି ସମୟରେ ନିର୍ମିଖେତା ଗାଁ ନିକଟରେ ୫ଜଣ ଦୁର୍ବୃତ୍ତ ତାଙ୍କୁ ଅଟକାଇ ବନ୍ଧୁକ ମୁନରେ ଲୁଟ୍ କରିଥିଲେ । ଦୁଇ ରାଉଣ୍ଡ ଗୁଳି ଫୁଟାଇ ୧୫କିଲୋଗ୍ରାମ ରୂପା ଅଳଙ୍କାର ସହିତ କିଛି ସୁନା ଅଳଙ୍କାର ଲୁଟି ନେଇଥିବା ପ୍ରହଲ୍ଲାଦଙ୍କ ପତ୍ନୀ ସୁନିତା ନାୟକ ବାଲୁଗାଁ ଥାନାରେ ଅଭିଯୋଗ କରିଥିଲେ । ଏତଲା ଆଧାରରେ ଅଭିଯୁକ୍ତଙ୍କୁ ଧରିବା ପାଇଁ ଏସପି ସାଗରିକା ନାଥ ନିର୍ଦ୍ଦେଶ କ୍ରମେ ଏସଡିପିଓ ସଂଜୟ ପଟ୍ଟନାୟକଙ୍କ ନେତୃତ୍ବରେ ଗୋଟିଏ ଟିମ୍ ଗଠନ କରିଥିଲେ । ପରେ ଏହି ଟିମ୍ ଗଞ୍ଜାମ ଜିଲ୍ଲାର କୋଟିନଡ଼ା ଥାନା ଅନ୍ତର୍ଗତ ସାପୁର ଗାଁରେ ଚଢ଼ାଉ କରି ୨ଜଣ ଅଭିଯୁକ୍ତଙ୍କୁ ଗିରଫ କରିଛନ୍ତି । ଏହି ଅଭିଯୁକ୍ତ ମାନେ ମହେଶ ପ୍ରଧାନ ଓ ରବି । ସେମାନଙ୍କଠୁ ୭ କିଲୋଗ୍ରାମ ରୁପା ଓ ଦୁଇଟି ବାଇକ୍ ଜବତ ହୋଇଛି ।
ବାଲୁଗାଁ ବ୍ୟବସାୟୀଙ୍କଠୁ ଅଳଙ୍କାର ଲୁଟ୍ ଘଟଣା, ଦୁଇ ଅଭିଯୁକ୍ତ ଗିରଫ
