ବେଆଇନ ଗଛ କଟାକୁ ନେଇ ଗ୍ରାମର ଦୁଇଗୋଷ୍ଠି ମଧ୍ୟରେ ଦେଖାଦେଇଛି ଉତ୍ତେଜନା

ବୋରିଗୁମ୍ମା, (ବାଘୁଆବାର୍ତ୍ତା): ବୋରିଗୁମ୍ମା ବନଖଣ୍ଡ ଅଧୀନସ୍ଥ କାମତା ସରକାରୀ ବିଦ୍ୟାଳୟ ପରିସର ମଧ୍ୟରେ ଥିବା ବେଆଇନ ଗଛ କଟାକୁ ନେଇ ଗ୍ରାମର ଦୁଇଗୋଷ୍ଠି ମଧ୍ୟରେ ଦେଖାଦେଇଛି ଉତ୍ତେଜନା।ଗୋଟିଏ ଗୋଷ୍ଠି ଗ୍ରାମର ଉନ୍ନୟନ କାର୍ୟ୍ୟରେ ଅସୁବିଧା ହେଉଥିବା ଦର୍ଶାଇ, କମିଟିରେ ରେଜୁଲେସନ କରି ସରପଞ୍ଚଙ୍କ ଅନୁମୋତି ନେଇ ଏସବୁ ଗଛ କାଟିଛନ୍ତି। ସରପଂଚ ଧନୁର୍ଜୟ ଜାନୀଙ୍କ ଉପସ୍ଥିତିରେ ରେଜୁଲେସନ କରାଯାଇଛି । ସ୍କୁଲ ଖେଳ ପଡିଆକୁ ଯିବା ପାଇଁ ରାସ୍ତାର ପ୍ରଶସ୍ତି କରଣ ଏବଂ ରାସ୍ତା କଡରେ ଗୋଟିଏ ଗଛ ସୁଖୀ ଯାଇ ବିପଦ ସଂକୁଳ ଅବସ୍ଥାରେ ଥିବା ନେଇ ରେଜୁଲେସନରେ ଦର୍ଶାଇ ଗଛ କଟା ଯାଇ ଥିବା କହିଛନ୍ତି ସରପଞ୍ଚ । କଟାଯାଇଥିବା ୫ ଟି ଗଛ ମଧ୍ୟରେ ୨ଟି ଟିକ ଗଛ, ଦୁଇଟି ତେନ୍ତୁଳି ଗଛ ଓ ଗୋଟିଏ ଚାକୁଣ୍ଡା ଗଛ ରହିଛି।ଗତକାଲି ଏସବୁ ଗଛ କଟା ହୋଇଥିବା ବେଳେ ଏହାକୁ ନେଇ ଅନ୍ୟଏକ ଗୋଷ୍ଟି ବୋରିଗୁମ୍ମା ବନ ବିଭାଗ ରେ ଅଭିଯୋଗ କରିଛନ୍ତି । ଅଭିଯୋଗ ପାଇ ଘଟଣା ସ୍ଥଳରେ ବନପାଳ, ବନରଖି ପହଞ୍ଚି ଘଟଣାର ତଦନ୍ତ ଆରମ୍ଭ କରିଛନ୍ତି। ସେପଟେ ବିନା ଅନୁମୋତିରେ ସବୁ ଗଛ କଟାଯାଇଛି। ଏହାର ତଦନ୍ତ ହେବ ବୋଲି କହିଛନ୍ତି ବନପାଳ ଜିତେନ କୁମାର ପ୍ରଧାନ।ସେପଟେ ଗଛଟି ସୁଖିଯାଇଥିଲା ତେଣୁ ବିପଦର ଆଶଙ୍କା କରି ଗଛ କଟା ଯାଇଛି ବୋଲି ସଫେଇ ଦେଇଛନ୍ତି କାମୁତା ସରପଞ୍ଚ ଧନୁର୍ୟ୍ୟୟ ଜାନୀ। ବନବିଭାଗ ତରଫରୁ ନିରପେକ୍ଷ ତଦନ୍ତ ନକଲେ ଉପରସ୍ତ ଅଧିକାରୀଙ୍କ ଦୃଷ୍ଟି ଆକର୍ଷଣ କରିବୁ ବୋଲି କହିଛନ୍ତି ଅଭିଯୋଗ କାରୀ ଜାଗଦିସ ଚନ୍ଦ୍ର ମଣ୍ଡଳ ।