ଆସିଲେ ତିନି:ଗଲେ ତିନି
ନୟାଗଡ଼, (ବାଘୁଆବାର୍ତ୍ତା): ରାଜ୍ୟ ପୋଲିସ ମୁଖ୍ୟାଳୟରେ ବଡ଼ ଧରଣର ଅଦଳ ବଦଳ ହୋଇଛି l ରାଜ୍ୟରେ ନୂତନ ସରକାର ଗଢିବା ପରେ ବଦଳି ପକ୍ରିୟା ଜାରି ରଖିଛି l ତେବେ ଆଜି ଏସଡ଼ିପିଓ ସ୍ତରରେ ଅଦଳ ବଦଳି କରାଯାଇଛି l ରାଜ୍ୟର ବିଭିନ୍ନ ଜିଲ୍ଲାର 107ଜଣ ଡ଼ିଏସସ୍ପି ଓ ଏସ୍ଡ଼ିପିଓ ବଦଳି କରାଯାଇଛି l ନୟାଗଡ଼ ଜିଲ୍ଲାରେ କାର୍ଯ୍ୟରତ ଏସଡିପିଓ ସୁଦର୍ଶନ ଗଙ୍ଗୋଇଙ୍କୁ କେନ୍ଦୁଝର ସଦର ଏସଡ଼ିପିଓ ଭାବେ ବଦଳି କରାଯାଇଥିବା ବେଳେ ଜଗତସିଂହପୁର ପୋଲିସ ମୁଖ୍ୟାଳୟର ଡ଼ିଏସସ୍ପି ଜ୍ୟୋତି ରଞ୍ଜନ ସାମନ୍ତରାୟଙ୍କୁ ନୟାଗଡ଼ ଏସଡିପିଓ ଭାବେ ନିଯୁକ୍ତ କରାଯାଇଛି l ସେହିପରି ଖଣ୍ଡପଡ଼ା ଏସଡ଼ିପିଓ ବିମଳ କୁମାର ମଲ୍ଲିକଙ୍କୁ କଳାହାଣ୍ଡି ହୋମ ଗାର୍ଡ ଡ଼ିଏସସ୍ପି ଭାବେ ବଦଳି କରାଯାଇଥିବା ବେଳେ ଭିଜିଲାନ୍ସ ଡ଼ିଏସସ୍ପି ମଦନ ମୋହନ ପ୍ରଧାନଙ୍କୁ ଖଣ୍ଡପଡ଼ା ଏସଡ଼ିପିଓ ଭାବେ ନିଯୁକ୍ତ କରାଯାଇଥିବା l ସେହିପରି ବ୍ରହ୍ମପୁର ବିଶ୍ୱବିଦ୍ୟାଳୟ ସିକ୍ୟୁରିଟି ଅଫିସର ଦୀପ୍ତିକାନ୍ତ ପ୍ରଧାନଙ୍କୁ ଶରଣକୁଳ ଏସଡ଼ିପିଓ ନିଯୁକ୍ତ କରାଯାଇଥିବା ବେଳେ ନୟାଗଡ଼ର ଡ଼ିଏସସ୍ପି ହେମନ୍ତ ରାଓଙ୍କୁ ବିରାମହାରାଜପୁରର ଏସଡ଼ିପିଓ ଭାବେ ବଦଳି କରାଯାଇଛି l ଏ ନେଇ ଆଜି ବିଜ୍ଞପ୍ତି ପ୍ରକାଶ ପାଇଛି l
