ସାଲେପୁର, (ବାଘୁଆବାର୍ତ୍ତା): ପାନ ଦୋକାନ ଭିତରକୁ ମାଡିଗଲା ଟ୍ରାକ୍ଟର। ଡ୍ରାଇଭରର ବେପରୁଆ ଗାଡ଼ି ଚାଳନା ଲାଗି ପାନ ଦୋକାନ ଭିତରକୁ ମାଡ଼ିଗଲା ଟ୍ରାକ୍ଟର। ଅଳ୍ପକେ ବଞ୍ଚିଗଲେ ପାନ ଦୋକାନୀ। କଟକ ଜିଲ୍ଲା ସାଲେପୁର ଥାନା ଜପକୁଦ ଫାଣ୍ଡି ଜପକୁଦ ବଜାରରେ ଏଭଳି ଘଟଣା ଘଟିଛି । ଖବର ଅନୁଯାୟୀ, ଜପକୁଦ ବଜାରରେ ସୁଶୀଲ ଚନ୍ଦ୍ର ମିଶ୍ରଙ୍କ ପାନ ଦୋକାନ ଭିତରକୁ ଏକ ଟ୍ରାକ୍ଟରଟି ମାଡି ଯାଇଥିଲା। ପାନ ଦୋକାନ ଭାଙ୍ଗିଯାଇଥିଲା ବେଳେ ଅଳ୍ପକେ ବର୍ତ୍ତିଯାଇଥିଲେ ସୁଶୀଲ ଓ ଅନ୍ୟମାନେ। ତେବେ ଡ୍ରାଇଭରର ବେପାରୁଆ ଚାଳନା ଲାଗି ଟ୍ରାକ୍ଟରଟି ପାନ ଦୋକାନ ଭିତରକୁ ମାଡି ଯାଇଥିବାର ସୂଚନା ମିଳିଛି। ଦୁର୍ଘଟଣା ସଂପର୍କରେ ଖବର ପାଇ ସାଲେପୁର ଏବଂ ଜପକୁଦ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଦୁର୍ଘଟଣାଗ୍ରସ୍ତ ଟ୍ରାକ୍ଟରକୁ ଜବତ କରିବା ସହ ଡ୍ରାଇଭରକୁ ଅଟକ ରଖି କାଗଜପତ୍ର ଯାଞ୍ଚ କରୁଛି ପୋଲିସ।
