ବାଙ୍ଗାଲୋର,(ବାଘୁଆବାର୍ତ୍ତା): ବାଘ-ମଣିଷ ଲଢେଇରେ ହାରମାନିଛି ଚିତାବାଘ । ପରିବାର ଲୋକକୁ ବଞ୍ଚାଇବାକୁ ଯାଇ ଚିତାବାଘ ସହିତ ଲଢେଇ କରିଛନ୍ତି ରାଜଗୋପାଳ ନାଏକ । ସୂଚନାନୁସାରେ, କର୍ଣ୍ଣାଟକର ଆରାସିକେ ତାଲୁକର ବନ୍ଦେକେରେର ବାସିନ୍ଦା ରାଜଗୋପାଳ ନାଏକ, ତାଙ୍କ ପତ୍ନୀ ଓ ଝିଅ ସହିତ ବାଇକରେ ବାଙ୍ଗାଲୋରରୁ ତାଙ୍କ ଘରକୁ ଫେରୁଥିଲେ । ତେବେ ରାସ୍ତା ଯାଉଥିବା ସମୟରେ ଏକ ନିଛାଟିଆ ରାସ୍ତା ଏକ ବସ୍ ଠିଆ ହୋଇଥିଲା । ରାଜଗୋପାଳ ବସ ଅତିକ୍ରମ କରି ଗଲା ବେଳକୁ ବସ ପଛପାଖେ ଥିବା ଚିତାବାଘ ହଠାତ୍ ଆକ୍ରମଣ କରିଥିଲା । ବାଇକ ଚଲାଉଥିବା ଗୋପାଳଙ୍କ ପରିବାର ଛିଟିକ୍ ପଡିଥିଲେ । ଚିତାବାଘର କରାଳ ରୂପ ଓ ଆକ୍ରମଣ କରିବାର ଢଙ୍ଗ ଦେଖି ରାଜେଗାପାଳ ଉପସ୍ଥିତ ବୁଦ୍ଧି ଖଟାଇ ସାହାସର ସହିତ ଚିତାବାଘ ସହିତ ଲଢେଇ କରିଥିଲେ । କିଛି ସମୟର ଲଢେଇ ପରେ ରାଜଗୋପାଳ ଚିତାବାଘର ବେକକୁ ଚିପି ଧରିଥିଲେ । ତେବେ ବାଘଟି ଖସିଯିବାକୁ ଚେଷ୍ଟା କରିଥିଲେ ମଧ୍ୟ ରାଜଗୋପାଳ ବେକୁ ଚିପି ଧରିଥିଲେ । ଶେଷରେ ଚିତାବାଘ ଓ ମଣିଷ ଲଢେଇରେ ଚିତାବାଘର ମୃତ୍ୟୁ ହୋଇଥିଲା । ବାଘଟି ପଡିଥିବା ବେଳେ ଲଢେଇ କରି ଆଘାତ ପାଇ ବାଘ ପାଖରେ ବସିଥିବା ରାଜଗୋପାଳଙ୍କ ଏକ ଫଟୋ ଭାଇରାଲ ହେବାରେ ଲାଗିଛି ।
ବାଘ-ମଣିଷ ଲଢେଇ; ବାଘ ମୃତ
