ଭୁବନେଶ୍ୱର, (ବାଘୁଆବାର୍ତ୍ତା): ଶେଷ ହେଲା ଠକ ଦମ୍ପତ୍ତିଙ୍କ ରିମାଣ୍ଡ ଅବଧି । ଅପରାହ୍ନରେ ଜେଲ ଫେରିବେ ଠକ ଅକ୍ଷୟ ଓ ତାଙ୍କ ପତ୍ନୀ ଉଷାରାଣୀ । ରିମାଣ୍ଡ ସମୟରେ ୨୦ କୋଟି ଟଙ୍କାର ଠକେଇ ହିସାବ ପାଇଛି ନୟାପଲି ଥାନା ପୋଲିସ । ଗିରଫ ପୂର୍ବରୁ ଅନେକ ତଥ୍ୟ ନଷ୍ଠ କରିଦେଇଛନ୍ତି ଅକ୍ଷୟ । ଜାଣେ ସମ୍ପର୍କୀୟଙ୍କ ଘରେ ଲୁଚେଇ ରଖୁଥିବା ଏକ କିଆ କାରକୁ ଜବତ କରିଛି ପୋଲିସ । ଅକ୍ଷୟଙ୍କ ଠକେଇ କାରବାରରେ ଅନେକ ପୋଲିସ ଓ ବଡ଼ବଡ଼ିଆଙ୍କ ହାତ ଥିବା ପୋଲିସ ତଦନ୍ତ ବେଳେ ଜାଣିବାକୁ ପାଇଛି । ଯେଉଁମାନଙ୍କର ନାଁ ଏହି ଠକେଇରେ ସାମିଲ ଥିବ ସେମାନଙ୍କୁ ଡାକି ପଚରା ଉଚରା କରିବ କମିଶନରେଟ ପୋଲିସ । ସୂଚନା ଥାଉକି, ଡିସ୍କାଉଣ୍ଟରେ କାର୍ ଦେବାକୁ କହି ପାଖାପାଖି ୪୦ କୋଟି ଟଙ୍କାର ଠକିଥିଲେ ଏହି ଠକ ଦମ୍ପତ୍ତି । ଏମାନଙ୍କ ନାଁରେ ଆସିଥିଲା ସଂଗୀନ ଅଭିଯୋଗ । ଠକେଇ ଅଭିଯୋଗ ପରେ ସ୍ବାମୀ ସ୍ତ୍ରୀଙ୍କୁ ଅଟକ ରଖିଥିଲା ପୋଲିସ । ଅକ୍ଷୟ ଗୌଡ ତାଙ୍କ ପତ୍ନୀଙ୍କୁ ଅଟକ ରଖି ପଚରା ଉଚରା ଆରମ୍ଭ କରିଥିଲା ନୟାପଲ୍ଲୀ ପୋଲିସ । ରାଜଧାନୀରେ ଏକାଧିକ ପୋଲିସ ସମେତ ଶତାଧିକ ଲୋକଙ୍କୁ ମା’ ଖଣ୍ଡୁଆପାଟ ଅଟୋ ମୋବାଇଲ୍ସ ନାଁରେ ଚୂନ ଲଗାଇଥିଲେ ଦମ୍ପତ୍ତି । ଠକେଇ ଅଭିଯୋଗରେ ରାଜ୍ୟର ଏକାଧିକ ଥାନାରେ ମାମଲା ରୁଜୁ ହୋଇଛି ।





