ଅହମ୍ମଦାବାଦ,(ବାଘୁଆବାର୍ତ୍ତା): ଅହମ୍ମଦାବାଦରେ ଚାଲିଥିବା ଭାରତ-ଇଂଲଣ୍ଡ ୪ର୍ଥ ଟେଷ୍ଟ ମ୍ୟାଚରେ ଭାରତ ସ୍ପିନ ବୋଲିଂରେ ଧରାଶାୟୀ ହୋଇଛି ଇଂଲଣ୍ଡ । ୪ର୍ଥ ମ୍ୟାଚର ପ୍ରଥମ ଦିନରେ ଇଂଲଣ୍ଡ ବ୍ୟାଟିଂ ଆରମ୍ଭ କରିଥିଲା । ଭାରତର ସ୍ପିନ ଯାଦୁରେ ଫସିଗଲା ଇଂଲଣ୍ଡ । ଯାହାଫଳରେ ଅଲଆଉଟ ହୋଇ ୨୦୫ରନ କରିପାରିଥିଲା । ଭାରତ ୪ର୍ଥ ଟେଷ୍ଟର ୨ୟ ଦ୍ୱିବସ ଖେଳ ଶେଷ ସୁଦ୍ଧା ମୂଲ୍ୟବାନ ୭ଟି ୱିକେଟ୍ ହରାଇ ୨୯୪ରନ କରିପାରିଛି । ତେବେ ଏହା ଭିତରେ ଭାରତ ଇଂଲଣ୍ଡ ଉପରେ ୮୯ରନ ଲିଡ୍ ଦେଇଛି । ଭାରତର ହିଟ୍ ମ୍ୟାନ ରୋହିତ ଶର୍ମା ୧୪୪ଟି ବଲ୍ ସାମ୍ନାକରି ୪୯ରନ, ପନ୍ଥ ୧୧୮ଟି ବଲ ସାମ୍ନାକରି ୧୦୧ ରନକରି ଆଉଟ ହୋଇଥିବା ବେଳେ ୱାଶିଟନ ସୁନ୍ଦର ୬୦ ଓ ଅକ୍ଷର ପଟେଲ ୧୧ରନ କରି ଅପରାଜିତ ଥିବା ଜଣାପଡିଛି । ଇଂଲଣ୍ଡ ପକ୍ଷରୁ ଜେମସ୍ ଆଣ୍ଡରସନ୍ ୩ଟି, ବେନ ଷ୍ଟୋକ ଓ ଜ୍ୟାକ୍ ଲିଚ୍ ୨ଟି ଲେଖାଏଁ ୱିକେଟ୍ ନେଇଥିବା ଜଣାପଡିଛି ।
