ଭୁବନେଶ୍ୱର, (ବାଘୁଆବାର୍ତ୍ତା): ୟୂଟୁଭ୍ରେ ଅନ୍ଧ ହୋଇ ଅନ୍ଧ ବିଶ୍ୱାସକୁ ଜାବୁଡି ଧରି ନିଜ ହାତରେ ମାଆ ତା ଛୁଆକୁ ବଳି ପକାଇଥିବା ଅଭିଯୋଗ ହୋଇଛି । ଅନ୍ଦବିଶ୍ୱାସରେ ପିସାଚୀ ପାଲଟିଗଲା ଜନ୍ମିତ ମାଆ । ମାଆ ନିଜ ଛୁଆକୁ ବଳି ପକାଇବା ଘଟଣା ରାଜ୍ୟରେ ଚର୍ଚ୍ଚାର ବିଷୟ ପାଲଟିଯାଇଛି । ଏଭଳି ଘଟଣା ଘଟିଛି ତେଲେଙ୍ଗାନା ସୂର୍ଯ୍େୟପଟା ଅଞ୍ଚଳରେ । ସୂଚନାନୁସାରେ, ବିଏସସି ଓ ବଇଡି କରିଥିବା ଜଣେ ମହିଳା ପୁଲିସ ଚାକିରୀ ପାଇଁ ନିଜକୁ ପ୍ରସ୍ତୁତ କରୁଥିଲେ । ଉକ୍ତ ମହିଳା ଜଣକ ୮ବର୍ଷ ତଳେ ବିବାହ କରିଥିଲେ । ସ୍ୱାମୀ ସ୍ତ୍ରୀ ମଧ୍ୟରେ ମତାନ୍ତର ଦେଖା ଦେବାରୁ ମହିଳା ଜଣକ ଏକୁଟିଆ ରହୁଥିଲେ । ଏହାରି ଭିତରେ ଆଉ ଜଣେ ପୁରୁଷ ସହିତ ଅନୈତିକ ସଂପର୍କ ଗଢି ଉଠିଥିଲା । ଏଥିରେ ତାଙ୍କର ଗୋଟିଏ ଝିଅ ଟିଏ ହୋଇଥିଲା । ମହିଳାଙ୍କର ଏ ସଂପର୍କକୁ ପରିବାର ଲୋକ ଗ୍ରହଣ କରିନଥିଲେ । ଯାହାକୁ ନେଇ ଚିନ୍ତାରେ ଥିଲେ ଭାରତୀ । ମାନସିକ ଦୁଶ୍ଚିନ୍ତାରେ ରହୁଥିବା ଭାରତୀ ୟୁଟୁଭ୍ ରେ ଆଧ୍ୟାତ୍ମିକ ଦେଖିବାରେ ଲାଗିଥିଲେ । ଗୁରୁବାର ଦିନ ସ୍ୱାମୀ କାମକୁ ଗଲା ପରେ ଘରେ କେହି ନଥିବା ବେଳେ ଏକୁଟିଆ ଝିଅକୁ ପାଇ ଭଗବାନଙ୍କ ମୂର୍ତ୍ତି ସମ୍ମୁଖରେ ଝିଅର ବେକ କାଟି ଫିଙ୍ଗି ଦେଇଥିଲା । ପରିବାର ଲୋକ ଆସି ଯେତେ ବେଳେ ଝିଅ ଖୋଜିଲେ ସେତେ ବେଳେ ଝିଅର ସନ୍ଧାନ ମିଳିନଥିଲା । ବହୁ ଖୋଜାଖୋଜି କରିବା ପରେ ଝିଅର କଟା ମୁଣ୍ଡ ମିଳିଥିଲା । ଏନେଇ ପରିବାର ଲୋକ ଥାନାରେ ଅଭିଯୋଗ କରିଥିଲେ । ପୁଲିସ ତଦନ୍ତ କରି ମାଆକୁ ଗିରଫ କରିଥିବା ଜଣାପଡିଛି ।
