ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ସ୍ୱୟଂ ଶାସିତ ମହାବିଦ୍ୟାଳୟ ପରିସର ମଧ୍ୟରେ ଥିବା ସହୀଦ ସ୍ମୃତି ସ୍ତମ୍ଭ ନିକଟରେ ଓଷ୍ଟା ଆନୁକୂଲ୍ୟରେ ଅଧ୍ୟକ୍ଷ ସୁରେଶ ଚନ୍ଦ୍ର ପ୍ରଧାନଙ୍କ ତତ୍ୱବଧାନରେ ଶିକ୍ଷକ ସହୀଦ ଦିବସ ପାଳିତ ହୋଇଯାଇଛି । ସୂଚନାନୁସାରେ, ଶିକ୍ଷକ ମହାସଂଘ ଆହ୍ୱାନରେ ୧୯୭୮ ମସିହା ମାର୍ଚ୍ଚ ୯ତାରିଖରେ ଭୁବନେଶ୍ୱର ଠାରେ ଅନୁଷ୍ଠିତ ଶିକ୍ଷକ ସମାବେଶରେ ଯୋଗେଦବାକୁ ଗଲାବେଳେ ସଡ଼କ ଦୁର୍ଘଟଣାରେ ୬ଜଣ ଶିକ୍ଷକ ଶକ୍ଷୟତ୍ରୀ ପ୍ରାଣତ୍ୟାଗ କରିଥିଲେ । ଶିକ୍ଷକ ଆନ୍ଦୋଳନର ଫଳସ୍ୱରୂପ ଶିକ୍ଷକସମାଜ ଚାକିରୀ ନିରାପତ୍ତା, ଅବସରକାଳୀନ ସୁବିଧା, ସିଧାସଳଖ ବେତନ ପ୍ରଭୁତି ସୁବିଧା ହାସଲ କରିପାରି ଥିଲେ । ସେହି ଦିବସକୁ ଶିକ୍ଷକ ସହୀଦ ଦିବସ ଭାବେ ପ୍ରତିବର୍ଷ ପାଳନ କରାଯାଉଛି । ଏହି ସ୍ମୃତି ସଭାରେ ସମାଜସେବୀ ପ୍ରମୋଦ ପଟ୍ଟନାୟକ, ଦାମୋଦର ସାହୁ, ବିଶ୍ୱନାଥ ମହାପାତ୍ର, ଶିକ୍ଷକ ନେତା ନିରଜଂନ ମିଶ୍ର, ତ୍ରିଲୋଚନ ଦାଶ, ଅନାଦି ଚରଣ ମହାନ୍ତି, ଏମ ଆଉରଙ୍ଗ ଦେବ, କିଶୋର ଚନ୍ଦ୍ର ପରମଗୁରୁ, ଆଯୋଧ୍ୟା ଦାସ, ଉମର ମଲ୍ଲିକ, ମାଣିକେଶ୍ୱର ସ୍ୱାଇଁ, ପ୍ରଦ୍ୟୁମ୍ନ ନନ୍ଦ ପ୍ରମୁଖ ବକ୍ତବ୍ୟ ରଖିଥିଲେ । ଏହି କାର୍ଯ୍ୟକ୍ରମକୁ ପ୍ରତିବର୍ଷ ପାଳନ କରିବା ନିମନ୍ତେ ବିଶ୍ୱନାଥ ମହାପାତ୍ର ଆବାହକ ରହିବେ ଓ ଓଷ୍ଟା ସହିତ କଲେଜ କର୍ତ୍ତୁପକ୍ଷଙ୍କ ସହଯୋଗୀ ରହିବେ ବୋଲି ପ୍ରସ୍ତାବ ଗ୍ରହଣ କରାଯାଇଛି । ଶିକ୍ଷକ ସହୀଦ ଦିବସ ଅବସରରେ ଶିକ୍ଷକବନ୍ଧୁ ଭକ୍ତରଂଜନ ମହାରଣାଙ୍କୁ ସମ୍ବର୍ଦ୍ଧିତ କରାଯାଇଥିଲା ।
