କରଞ୍ଜିଆ, (ବାଘୁଆବାର୍ତ୍ତା): କ୍ରିଫ୍ଟଟୋ କରେନ୍ସି କାରବାର ପାଇଁ ଶିକ୍ଷକଙ୍କୁ ଅପହରଣ ଘଟଣା । ତିନି ଦିନ ପରେ ନିଖୋଜ ଶିକ୍ଷକଙ୍କ ଠାବ କରିଛି ପୋଲିସ । ଘଟଣାରେ ସଂପୃକ୍ତି ଥିବା ଅଭିଯୋଗରେ ତିନି ଜଣଙ୍କୁ ଗିରଫ କରିଛି କରଞ୍ଜିଆ ପୋଲିସ । ଖବର ଅନୁଯାୟୀ, ଗତ ୧୦ ତାରିଖ ଦିନ ମୟୁରଭଞ୍ଜ ଜିଲ୍ଲ ଯଶୀପୁର ବ୍ଲକ ଧୁଡୁକୁ ପ୍ରାଥମିକ ବିଦ୍ୟାଳୟର ଶିକ୍ଷକ ରବିନ୍ଦ୍ର ନାଥ ସିଂ ସ୍କଲ୍ରୁ ଫେରୁଥିଲେ । ଏହି ସମୟରେ ୨୨୦ ନମ୍ବର ଜାତୀୟ ରାଜପଥ କାଳିକାପୁର ଛକ ନିକଟରେ ତାଙ୍କୁ କାର୍ ଭିତରୁ ଟାଣିଆଣି ଅନ୍ୟ ଏକ ଗାଡିରେ ଅପହରଣ କରିନେଇଥିଲେ ଅପହରଣକାରୀ । ପରେ ନିଖୋଜ ନେଇ ଶିକ୍ଷକଙ୍କ ପତ୍ନୀ ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପୋଲିସ ୩ଟି ଟିମ୍ ଗଠନ କରି ତଦନ୍ତ ଆରମ୍ଭ କରିଥିଲା । ଶେଷରେ ତିନି ଦିନ ପରେ ଅନୁଗୋଳ ଜିଲ୍ଲା ତାଳଚେର ଅଞ୍ଚଳର ଏକ ଜଙ୍ଗଲରୁ ଅପହୃତ ଶିକ୍ଷକଙ୍କ ଠାବ କରିଛି ପୋଲିସ । ଏହାସହ ୪ ଜଣ ଅପହରଣକାରୀଙ୍କୁ ଗିରଫ କରିବାର ମଧ୍ୟ ସଫଳ ହୋଇଛି ପୋଲିସ । ତେବେ ଶିକ୍ଷକ ଜଣକ ୧୫ ଲକ୍ଷ ଟଙ୍କା ହେରଫେର୍ କରିଥିବା ନେଇ ତାଙ୍କୁ ଅପହରଣ କରାଯାଇଥିବା ପୋଲିସ ସୂଚନା ଦେଇଛି । ଗିରଫ ଅଭିଯୁକ୍ତ ମାନେ ହେଉଛନ୍ତି ଅନୁଗୋଳ ଜିଲ୍ଲା ତାଳଚେର ଥାନା ଅଞ୍ଚଳର ସୌଭାଗ୍ୟ ଦାସ, ବ୍ରହ୍ମାନନ୍ଦ ନାଏକ, ପ୍ରଭାତ କୁମାର ମହାନ୍ତି ଓ ଜଣେ ନାବାଳକ। ସେମାନଙ୍କ ନିକଟରୁ ମୋବାଇଲ ଓ ଅପହରଣରେ ବ୍ୟବହୃତ ଏକ ଗାଡ଼ିକୁ ଜବତ କରି ଅଧିକ ତଦନ୍ତ ଜାରି ରଖିଛି ପୋଲିସ୍ ।
