ନୟାଗଡ଼, (ବାଘୁଆବାର୍ତ୍ତା) : ଗଣିଆ ବ୍ଲକ ପତଣ୍ଡା ଗ୍ରାମର ବରିଷ୍ଠ ଶିକ୍ଷାବିତ୍ ଭରତ ଚନ୍ଦ୍ର ପଣ୍ଡାଙ୍କର ସୋମବାର ଅପରାହ୍ନରେ ପରଲେଶକ ହୋଇ ଯାଇଛି । ମୃତ୍ୟୁ ବେଳକୁ ତାଙ୍କୁ ୭୮ ବର୍ଷ ବୟସ ହୋଇଥିଲା । ସେ ଦୀର୍ଘ ଦିନ ହେବ ଶାରୀରିକ ଅସୁସ୍ଥତା କାରଣରୁ ଶଯ୍ୟାଶାୟୀ ଥିଲେ । ଜଣେ ଶିକ୍ଷାବିତ୍ ଭାବେ ଅଞ୍ଚଳରେ ତାଙ୍କର ବେଶ୍ କ୍ଷ୍ୟାତି ଥିଲା । ଗଣିଆ ବାଳିକା ପ୍ରାଥମିକ ବିଦ୍ୟାଳୟରେ ସେ ଶିକ୍ଷକତା ଜୀବନ ଶେଷ କରିଥିଲେ । ଜଣେ ସାହିତ୍ୟକ,ଲେଖକ ତଥା ଜଣେ ବକ୍ତା ଭାବେ ସେ ଗଣିଆ ଅଞ୍ଚଳରେ ପରିଚିତ ଥିଲେ । ମୃତ୍ୟୁ ବେଳକୁ ତାଙ୍କ ପାଖରେ ତାଙ୍କର ପୁଅ,ଝିଅ,ନାତି ନାତୁଣି ସମସ୍ତେ ଉପସ୍ଥିତ ଥିଲେ । ଗଣିଆ ବ୍ଲକର ଅନେକ ଶିକ୍ଷକ,ଅବସରପ୍ରାପ୍ତ ପ୍ରଧାନଶିକ୍ଷକ,ବୁଦ୍ଧିଜୀବୀ,ଶୁଭେଛୁ ତାଙ୍କର ପତଣ୍ଡାସ୍ଥିତ ବାସ ଭବନରେ ଉପସ୍ଥିତ ରହି ତାଙ୍କର ଶେଷ ଦର୍ଶନ କରିଥିଲେ ।
