Sunday, November 22, 2026
ବାଘୁଆବାର୍ତ୍ତା
  • ରାଜ୍ୟ
  • ନୟାଗଡ
  • ଜାତୀୟ
  • ରାଜନୀତି
  • ଯୋଜନା ଓ ବିକାଶ
  • ଶିକ୍ଷା
  • ବାଣିଜ୍ୟ
  • କ୍ରୀଡ଼ା
  • ଅପରାଧ
  • ମନୋରଂଜନ
  • ଭିଡିଓ
 
WhatsApp chat
  • ରାଜ୍ୟ
  • ନୟାଗଡ
  • ଜାତୀୟ
  • ରାଜନୀତି
  • ଯୋଜନା ଓ ବିକାଶ
  • ଶିକ୍ଷା
  • ବାଣିଜ୍ୟ
  • କ୍ରୀଡ଼ା
  • ଅପରାଧ
  • ମନୋରଂଜନ
  • ଭିଡିଓ
No Result
View All Result
ବାଘୁଆବାର୍ତ୍ତା

କୋମଳମତି ପିଲାଙ୍କୁ ରଡ଼ରେ ପିଟିଲେ ପ୍ରଧାନଶିକ୍ଷୟିତ୍ରୀ

by ସଞ୍ଜୟ ସ୍ୱାଇଁ
October 1, 2022
in Crime, State
କୋମଳମତି ପିଲାଙ୍କୁ ରଡ଼ରେ ପିଟିଲେ ପ୍ରଧାନଶିକ୍ଷୟିତ୍ରୀ
85
VIEWS
Share on FacebookShare on Twitter

କାମାକ୍ଷାନଗର, (ବାଘୁଆବାର୍ତ୍ତା): ଦଣ୍ଡ ମୁକ୍ତ ଅଞ୍ଚଳରେ ଦିଆଯାଉଛି ଅକଥନୀୟ ଦଣ୍ଡ । ଆଖିରୁ ଲୁହ ଝରାଉଛନ୍ତି କୋମଳମତି ପିଲା। ଛୋଟ ଛୋଟ ପିଲାଙ୍କୁ ବୁଝାଇଶୁଝାଇ ପାଠ ପଢ଼ାଇବା ବଦଳରେ ସେମାନଙ୍କୁ ଲୁହା ରଡରେ ପିଟିଛନ୍ତି ଖୋଦ ପ୍ରଧାନଶିକ୍ଷୟିତ୍ରୀ। ଏଥିସହ ଏସିଡ ପକାଇ ମାରିଦେବାର ଧମକ ବି ଦେଉଛନ୍ତି । ଫଳରେ ଅସହ୍ୟ ଯନ୍ତ୍ରଣା ସାଙ୍ଗକୁ ମାନସିକ ରୂପେ ଭାଙ୍ଗି ପଡ଼ିଥିବା ଛଟଛଟ ଛୋଟ ପିଲା ଆଉ ସ୍କୁଲ ଯିବାକୁ ମଙ୍ଗୁ ନାହାନ୍ତି। ଏପରି ଅଭାବନୀୟ ଘଟଣା ଢେଙ୍କାନାଳ ଜିଲ୍ଲା କାମାକ୍ଷାନଗର ବ୍ଲକ ପୁରୁଣାରେକୁଳା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ଘଟିଛି। ତୁରନ୍ତ ସ୍କୁଲର ପ୍ରଧାନଶିକ୍ଷୟିତ୍ରୀ ପୁଷ୍ପଲତା ଶତପଥୀଙ୍କ ବଦଳି କରା ନ ଗଲେ ସ୍କୁଲରେ ତାଲା ପକାଇବା ସହ ପିଲାଙ୍କୁ ଆଉ ପାଠ ପଢ଼ିବାକୁ ଛାଡ଼ିବେନି ବୋଲି କହିଛନ୍ତି ଅଭିଭାବକ । ଗତକାଲି ପ୍ରଧାନଶିକ୍ଷୟିତ୍ରୀ ପଞ୍ଚମ ଶ୍ରେଣୀକୁ ଯାଇଥିବା ବେଳେ ସେଠାରେ କୌଣସି କାରଣକୁ ନେଇ କ୍ରୋଧିତ ହୋଇପଡ଼ିଥିଲେ। ଏହାପରେ ଏକ ଲୁହା ରଡ଼ ଆଣି ପିଲାଙ୍କୁ ଆଖି ବୁଜା ପିଟିବାକୁ ଲାଗିଲେ। ସ୍କୁଲ ଛୁଟି ପରେ ପିଲାମାନେ କାନ୍ଦି କାନ୍ଦି ଘରେ ସବୁ କଥା କହିଥିଲେ। ଏହାପରେ ଉତ୍ତ୍ୟକ୍ତ ଅଭିଭାବକମାନେ ସ୍କୁଲ ଘେରିବା ସହ ପ୍ରଧାନଶିକ୍ଷୟିତ୍ରୀଙ୍କୁ ଅଟକ ରଖିଥିଲେ । ତୁରନ୍ତ ଏହି ପ୍ରଧାନଶିକ୍ଷୟିତ୍ରୀଙ୍କ ବଦଳି କରା ନ ଗଲେ ପିଲାଙ୍କୁ ଆଉ ସ୍କୁଲ ଛାଡ଼ିବେନି ବୋଲି ଖୋଲାଖୋଲି ଭାବେ କହିଥିଲେ। କାମାକ୍ଷାନଗର ବ୍ଲକ ଏବିଓ ପୁରୁଣାରେକୁଳା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ପହଞ୍ଚି ଛାତ୍ରଛାତ୍ରୀଙ୍କ ଅଭିଭାବକଙ୍କ ସହ ଆଲୋଚନା କରିଥିଲେ। ଏଥିସହ ଘଟଣାର ତଦନ୍ତ କରାଯାଇ ଆକ୍ସନ ନେବାକୁ ପ୍ରତିଶ୍ରୁତି ଦେଇଥିଲେ । ଏବିଓଙ୍କ ପ୍ରତିଶ୍ରୁତି ପରେ ଛାତ୍ରଛାତ୍ରୀ ଓ ଅଭିଭାବକମାନେ ଆନ୍ଦୋଳନରୁ ଓହରିଥିଲେ । ପ୍ରଧାନଶିକ୍ଷୟିତ୍ରୀଙ୍କ ଆକ୍ରମଣର ଶିକାର ହୋଇଥିବା ଜଣେ ଛାତ୍ରୀ କହିଛନ୍ତ, ସେ ଆମକୁ ଲୁହା ରଡରେ ବାଡ଼େଇଲେ। କହିଲେ ଏସିଡ ପକାଇ ମାରିଦେବି। ଆମେ ଆଉ ତାଙ୍କ ପାଖରେ ପଢ଼ିବୁନି । ଏହି ଘଟଣାକୁ ଅସ୍ୱୀକାର କରୁଥିବା ପୁରୁଣାରେକୁଳା ସ୍କୁଲ ପ୍ରଧାନ ଶିକ୍ଷୟିତ୍ରୀ ପୁଷ୍ପାଲତା ଶତପଥୀ କହିଛନ୍ତି, ମୁଁ ପିଲାଙ୍କୁ ଲୁହା ରଡ଼ରେ ମାରିନି। ମୋ ବିରୋଧରେ ଷଡଯନ୍ତ୍ର ହୋଇଛି । ପିଲାଙ୍କୁ ଶାସନ ନ ହେଲେ ଭବିଷ୍ୟତରେ ଏକ ଖରାପ ସମାଜ ହେବ । ବାପାମା’ ଯେମିତି ତାଙ୍କ ପିଲାମାନଙ୍କୁ ଘରେ ଶାସନ କରୁଛନ୍ତି, ଆମକୁ ବି ସେମିତି ଅନୁମତି ମିଳିବା ଦରକାର। ନଚେତ କୌଣସି ସ୍କୁଲରେ ଗୁରୁ ଦିବସ ପାଳନ କରାଯିବା ଉଚିତ ନୁହେଁ। ପିଲାମାନେ ଘରେ ରୁହନ୍ତୁ, ସ୍କୁଲ ବନ୍ଦ କରି ଦିଆଯାଉ । ଏନେଇ କାମାକ୍ଷାନଗର ଏବିଓ କୃଷ୍ଣଚନ୍ଦ୍ର ଭୋଇ କହିଛନ୍ତି, ଖବର ପାଇ ଆସିଲି। ଏଠାରେ ପିଲାମାନଙ୍କ ଶରୀରରେ କ୍ଷତ ଥିବା ଦେଖିବାକୁ ପାଇଲି। ଅଭିଭାବକମାନେ ତାଙ୍କ ବଦଳି ଦାବି କରୁଛନ୍ତି। ତଦନ୍ତ ରିପୋର୍ଟ ଉପରିସ୍ଥ ଅଧିକାରୀଙ୍କୁ ଦେବି । ଏହାପରେ ତାଙ୍କ ବିରୋଧରେ କାର୍ୟ୍ୟାନୁଷ୍ଠାନ ଗ୍ରହଣ କରାଯିବ ।

ଏମ୍‌ଏମ୍‌ଡିଆର୍ ପ୍ରସଙ୍ଗ ; ରାଜ୍ୟ ସ୍ୱାର୍ଥ ଅପେକ୍ଷା ବିଜେପି ସ୍ୱାର୍ଥକୁ ସୁରକ୍ଷା

ଏମ୍‌ଏମ୍‌ଡିଆର୍ ପ୍ରସଙ୍ଗ ; ରାଜ୍ୟ ସ୍ୱାର୍ଥ ଅପେକ୍ଷା ବିଜେପି ସ୍ୱାର୍ଥକୁ ସୁରକ୍ଷା

August 30, 2026
ଛାତ୍ର ସଂଗଠନକୁ ଗୁରୁମନ୍ତ୍ର ଦେଲେ ଅରୁଣ

ଛାତ୍ର ସଂଗଠନକୁ ଗୁରୁମନ୍ତ୍ର ଦେଲେ ଅରୁଣ

August 30, 2026
ଜିଲ୍ଲାସ୍ତରୀୟ ୧୨ତମ ଆନ୍ତର୍ଜାତୀୟ ଯୋଗ ଦିବସ ପାଳିତ

ଜିଲ୍ଲାସ୍ତରୀୟ ୧୨ତମ ଆନ୍ତର୍ଜାତୀୟ ଯୋଗ ଦିବସ ପାଳିତ

June 22, 2026
ବିଶ୍ୱ ଶିଶୁ ଶ୍ରମ ନିଷେଧ ଦିବସ

ବିଶ୍ୱ ଶିଶୁ ଶ୍ରମ ନିଷେଧ ଦିବସ

June 12, 2026
ନୟାଗଡ଼ ରୋଟାରୀ କ୍ଲବ ପରିଦର୍ଶନ କଲେ ଜିଲ୍ଲା ଗଭର୍ଣ୍ଣର

ନୟାଗଡ଼ ରୋଟାରୀ କ୍ଲବ ପରିଦର୍ଶନ କଲେ ଜିଲ୍ଲା ଗଭର୍ଣ୍ଣର

June 7, 2026

© 2025 Baghuabarta. Designed & Developed by WebHunk International

No Result
View All Result
  • ରାଜ୍ୟ
  • ନୟାଗଡ
  • ଜାତୀୟ
  • ରାଜନୀତି
  • ଯୋଜନା ଓ ବିକାଶ
  • ଶିକ୍ଷା
  • ବାଣିଜ୍ୟ
  • କ୍ରୀଡ଼ା
  • ଅପରାଧ
  • ମନୋରଂଜନ
  • ଭିଡିଓ
WhatsApp chat
error: Content is protected !!