ନୂଆଦିଲ୍ଲୀ (ବାଘୁଆବାର୍ତ୍ତା): ପ୍ରାୟତଃ ସମସ୍ତେ ସକାଳୁ ଉଠିଲେ ଚା’ ପିଅନ୍ତି । ଅନେକ ଦିନକୁ ବହୁତ ଥର ମଧ୍ୟ ଚା’ ପିଅନ୍ତି । ହେଲେ ଚା’ରେ କ’ଣ ରହିଛି ଉପକାରିତା ଆସନ୍ତୁ ଜାଣିବା । ଓଜନ ହ୍ରାସ ଏବଂ ସୁସ୍ଥ ରହିବା ପାଇଁ ସାଧାରଣତଃ ଲୋକମାନେ ଗ୍ରୀନ ଟି ଏବଂ ବ୍ଲାକ ଟି ପିଇଥାନ୍ତି । ଆଜିକାଲି ବଜାରରେ ଅନେକ ପ୍ରକାରର ହର୍ବାଲ ଟି ଉପଲବ୍ଧ ହେଉଛି, ଯାହା ଆପଣଙ୍କୁ ସୁସ୍ଥ ରଖିବା ସହିତ ବିଭିନ୍ନ ରୋଗରୁ ମଧ୍ୟ ରକ୍ଷା କରିଥାଏ । କିନ୍ତୁ ଏପରି କିଛି ଚା’ ରହିଛି ଯାହାକୁ ଆପଣ ଘରେ ମଧ୍ୟ ପ୍ରସ୍ତୁତ କରି ପିଇପାରିବେ । ଏହାଦ୍ୱାରା କେବଳ ଓଜନ ହ୍ରାସ ହେବ ନାହିଁ ବରଂ କୋଲେଷ୍ଟ୍ରଲ, କ୍ୟାନ୍ସର, ଡାଇବେଟିସ ଏବଂ ହାର୍ଟ ଡିଜିଜର ଆଶଙ୍କା ମଧ୍ୟ କମ ରହିବ । କଦଳୀ ଚା’: – ଯଦି ଆପଣ ଓଜନ ହ୍ରାସ କରିବାକୁ ଚାହୁଁଛନ୍ତି ତେବେ ଏହି ଚା’ ଆପଣଙ୍କ ପାଇଁ ଅତ୍ୟନ୍ତ ଉତ୍ତମ ହେବ । ଏଥିପାଇଁ ୧,୧/୨ କପ୍ ପାଣିରେ ଏକ ପାଚିଲା କଦଳୀକୁ ୫-୧୦ ମିନିଟ ପର୍ଯ୍ୟନ୍ତ ସିଝାନ୍ତୁ । ତାହାପରେ ଏଥିରେ ଡାଲଚିନି କିମ୍ବା ମହୁ ମିଶାଇ ପିଅନ୍ତୁ । ତୁଳସୀ ଚା:- ଏହି ଚା’ ମଧୁମେହ ରୋଗୀଙ୍କ ପାଇଁ ବରଦାନ ସଦୃଶ୍ୟ କାରଣ ଏଥିରେ ସୁଗାର ଲେବଲ ନିୟନ୍ତ୍ରଣରେ ରହିଥାଏ । ଏଥିସହିତ ଏହା ଗୁଡ କୋଲେଷ୍ଟ୍ରଲକୁ ମଧ୍ୟ ବଢ଼ାଇଥାଏ । ଏଥିପାଇଁ ୧ କପ ପାଣିରେ ୫-୬ଟି ତୁଳସୀ ପତ୍ର, ଗୁଜରାତି ଏବଂ ଅଦା ପକାଇ ଏହାକୁ ୩ ମିନିଟ ଫୁଟାଇ ଛାଣି ନିଅନ୍ତୁ । ଏହାପରେ ୧ ଚାମଚ ମହୁ ଏବଂ ଲେମ୍ବୁ ରସ ମିଶାଇ ପିଅନ୍ତୁ । ଲେମ୍ବୁ ଚା’:- ୧ କପ ପାଣିରେ ୧/୨ ଚାମଚ ଗୁଣ୍ଡ, ଅଦା, ପୁଦିନା ପତ୍ର ମିଶାଇ ଫୁଟାନ୍ତୁ । ଏଥିରେ ୧/୪ ଲେମ୍ବୁ ରସ, ୧ ଟେବୁଲ ଚାମଚ ମହୁ କିମ୍ବା ଚିନି ମିଶାଇ ପିଅନ୍ତୁ । ଆପଣ ଏହାକୁ ଦିନରେ ୨-୩ ଥର ପିଇପାରିବେ । ଏହି ଚା’ ଧମନୀରେ ରକ୍ତ ଜମାଟ ବାନ୍ଧିବାକୁ ରୋକିଥାଏ, ଯାହା ହୃଦଘାତ ଏବଂ ହୃଦରୋଗର ଆଶଙ୍କା ମଧ୍ୟ କମ କରିଥାଏ । ନୀଳ ଚା’:- ନୀଳ ଚା’ ଡାଇବେଟିସ ଏବଂ କ୍ୟାନ୍ସର ରୋଗରୁ ରକ୍ଷା କରିଥାଏ । ଏହାକୁ ପ୍ରସ୍ତୁତ କରିବା ପାଇଁ ପ୍ୟାନରେ ୧ କପ ପାଣି ଗରମ କରନ୍ତୁ । ଏହାପରେ ଏଥିରେ ୪-୫ ଅପରାଜିତା ଫୁଲ ପକାଇ ଭଲ ଭାବରେ ଫୁଟାନ୍ତୁ । ଏବେ ସେଥିରେ ଅଳ୍ପ ମହୁ ମିଶାଇ ପିଅନ୍ତୁ । ପୁଦିନା ଚା’:- ପୁଦିନା ପତ୍ରକୁ ୧ କପ ପାଣିରେ ୫ ମିନିଟ ପାଇଁ ଫୁଟାନ୍ତୁ । ତା’ପରେ ଏହାକୁ ଛାଣି ଏଥିରେ ମହୁ ସହିତ ମିଶାଇ ପିଅନ୍ତୁ । ଏହା କେବଳ ଓଜନ ହ୍ରାସ କରିବାରେ ସାହାଯ୍ୟ କରି ନଥାଏ, ବରଂ ଏହି ଚା’ ବିଭିନ୍ନ ରୋଗକୁ ମଧ୍ୟ ଦୂରେଇ ରଖିଥାଏ ।
ସବୁଦିନ ଚା’ ପିଉଛେ, ଚା’ ର କ’ଣ ରହିଛି ଉପକାରିତା, କେଉଁ ଚା’ ରୁ ମିଳିଥାଏ କି ପ୍ରକାର ଲାଭ
