ନୟାଗଡ଼ ସର୍ବ ଭାରତୀୟ ଫୁଟବଲ ଟୁନାମେଣ୍ଟ
ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଖେଳପଡ଼ିଆରେ ସର୍ବଭାରତୀୟ ଫୁଟବଲ କପ ଦ୍ୱିତୀୟ ମ୍ୟାଚ ଅନୁଷ୍ଠିତ ହୋଇଯାଇଛି । ଏଥିରେ ଟାଟା ଏକାଡେମୀ ଏବଂ ସାଇଟ୍ ସ୍ପୋର୍ଟ୍ସ ସୋସାଇଟ୍ ବଲାଙ୍ଗିରୀ ମଧ୍ୟରେ ଖେଳ ସଂଘର୍ଷ ପୂର୍ଣ୍ଣ ହୋଇଥିଲା । ଖେଳର ଦୁଇ ମିନିଟ ପରେ ଟାଟା ଏକାଡେମୀ ବଲାଙ୍ଗୀରୀକୁ ଏକ ଗୋଲ ଦେଇଥିଲା । ଏହାପରଠାରୁ ଖେଳ ଅତି ରୋମାଞ୍ଚକର ହୋଇଥିଲା । ଦ୍ୱିତୀୟାର୍ଦ୍ଧରେ ଟାଟା ଏକାଡେମୀ ସାଇଟ୍ ସ୍ପୋର୍ଟ୍ସ ସୋସାଇଟ୍ ବଲାଙ୍ଗିରୀକୁ ଆଉ ଏକ ଗୋଲ ଦେଇଥିଲା । କିଛିମୂହୁର୍ତ୍ତରେ ସାଇଟ୍ ସ୍ପୋର୍ଟ୍ସ ସୋସାଇଟ୍ ବଲାଙ୍ଗିରୀ ପକ୍ଷରୁ ଟାଟା ଏକାଡେମୀକୁ ଏକ ଗୋଲ ଦିଆଯାଇଥିଲା । ଖେଳ ଶେଷ ହେବା ବେଳକୁ ଟାଟା ଏକାଡେମୀ ୨-୧ ଗୋଲରେ ବିଜୟ ଲାଭ କରିଥିଲା । ଆଜିର ଫୁଟବଲ ଟୁନାମେଣ୍ଟରେ ମୁଖ୍ୟ ଅତିଥି ଭାବେ ଡା. ଆଶିଷ କୁମାର ଦୀକ୍ଷିତ ଯୋଗ ଦେଇଥିବା ବେଳେ ଅନ୍ୟମାନଙ୍କ ମଧ୍ୟରେ ପୂର୍ବତନ ଫୁଟବଲ ଖେଳାଳୀ ପ୍ରଫୁଲ କୁମାର ମିଶ୍ର, ଟାଉନଥାନା ଅଧିକାରୀ ଜୟଦୀପ ମହାନ୍ତି, ପୂର୍ବତନ ନଗରପାଳ ଗୁରୁପ୍ରସାଦ ଜେନା, ସମାଜସେବୀ ପ୍ରମୋଦ ପଟ୍ଟନାୟକ ପ୍ରମୂଖ ଯୋଗ ଦେଇ ଖେଳାଳୀଙ୍କ ଉତ୍ସାହିତ କରିଥିଲେ । ଆଜିର ମ୍ୟାଚରେ ସାଇଟ୍ ସ୍ପୋର୍ଟ୍ସ ସୋସାଇଟ୍ ବଲାଙ୍ଗିରୀ ଟିମ୍ର ୧୪ ନଂ ଖେଳାଳୀ ରାକେଶ ଓରାମ୍ ଶ୍ରେଷ୍ଠ ଖେଳାଳୀ ବିବେଚିତ ହୋଇଥିଲେ । ମୁଖ୍ୟ ରେଫରୀ ଭାବେ ପ୍ରଦୀପ ନାୟକ ଆଜିର ଖେଳ ପରିଚାଳନା କରିଥିଲେ । ରେଫରୀ ଶେଷଦେବ ବେହେରା, ଅଶୋକ କହଁର ଓ ୪ର୍ଥ ରେଫରୀ ଭାବେ ରାଜୁ ମହାନ୍ତି ତାଙ୍କୁ ସହାୟତା କରିଥିଲେ । ଖେଳର ଧାରା ବିବରଣୀ ବରିଷ୍ଠ ସାମ୍ବାଦିକ ରାମକୃଷ୍ଣ ରଥ, ଆଶୁତୋଷ ମିଶ୍ର, ଶେଖ୍ ଅବଦୁଲ ଖାଲିକ ପ୍ରଦାନ କରିଥିଲେ । ଆସନ୍ତାକାଲି ନୟାଗଡ଼ ସର୍ବଭାରତୀୟ ଫୁଟବଲ କପର ପ୍ରଥମ ସେମୀଫାଇନାଲ ଟାଟା ଏକାଡେମୀ ଟାଟା ବନାମ୍ ଚାନ୍ଦିନୀ କ୍ଲବ କଲିକତା ମଧ୍ୟରେ ଅନୁଷ୍ଠିତ ହେବ ।
