କାବୁଲ, (ବାଘୁଆବାର୍ତ୍ତା): ତାଲିବାନ ଉତ୍ପାତରେ ଅଣନିଃସ୍ୱାସୀ ହୋଇପଡ଼ିଥିବା ଆଫଗାନିସ୍ତାନ ଦେଶରୁ ଆତଙ୍କବାଦକୁ ସମୂଳେ ବିନାଶ କରିବାକୁ ପଣ କରିଛି। ଆମେରିକା ସହଯୋଗରେ ତାଲିବାନ ଉପରେ ଜୋର୍ଦାର ପ୍ରହାର କରୁଛି ଆଫଗାନିସ୍ତାନ। ଗତ ୨୪ ଘଣ୍ଟାରେ ୫୭୦ରୁ ଅଧିକ ଆତଙ୍କବାଦୀକୁ ସଫା କରିଥିବା ବେଳେ ୩୦୯ ଆତଙ୍କୀ ଆହତ ହୋଇଛନ୍ତି। ଆଫଗାନିସ୍ତାନର ପ୍ରତିରକ୍ଷା ମନ୍ତ୍ରାଳୟ ପକ୍ଷରୁ ଏହି ସୂଚନା ଦିଆଯାଇଛି। ବିଭିନ୍ନ ସ୍ଥାନରେ ତାଲିବାନ ଆଡ୍ଡା ଉପରେ ଭୟଙ୍କର ଆକ୍ରମଣ କରିଛି ଆଫଗାନିସ୍ତାନ। ଆମେରିକା ବାୟୁସେନାର ସହଯୋଗରେ ତାଲିବାନର ବିଭିନ୍ନ ସ୍ଥାନରେ ଏୟାର ଷ୍ଟ୍ରାଇକ୍ କରାଯାଇଛି। ଆମେରିକା ସେନା ପ୍ରତ୍ୟାହାର କରିବା ନେଇ ଘୋଷଣା କରିବା ପରେ ଆଫଗାନିସ୍ତାନରେ ଉତ୍ପାତ କରୁଛି ତାଲିବାନ। ଗୋଟିଏ ପରେ ଗୋଟିଏ ଜିଲ୍ଲାକୁ ନିଜ ଅକ୍ତିଆର୍ରେ ନେଇଯାଉଛି। ସରକାରୀ ଅଧିକାରୀଙ୍କୁ ହତ୍ୟା କରୁଛି। ଏଥିରେ କ୍ଷ୍ୟୁବ୍ଧ ହୋଇ ତାଲିବାନକୁ ସମୂଳ ବିନାଶ କରିବାକୁ ନିଷ୍ପତ୍ତି ନେଇଛି ଆଫଗାନିସ୍ତାନ।
୨୪ ଘଣ୍ଟାରେ ୫୭୦ରୁ ଅଧିକ ଆତଙ୍କବାଦୀ ସଫା ହୋଇଥିବା ବେଳେ ୩୦୯ ଆତଙ୍କୀ ଆହତ ହୋଇଛନ୍ତି
