Thursday, November 19, 2026
ବାଘୁଆବାର୍ତ୍ତା
  • ରାଜ୍ୟ
  • ନୟାଗଡ
  • ଜାତୀୟ
  • ରାଜନୀତି
  • ଯୋଜନା ଓ ବିକାଶ
  • ଶିକ୍ଷା
  • ବାଣିଜ୍ୟ
  • କ୍ରୀଡ଼ା
  • ଅପରାଧ
  • ମନୋରଂଜନ
  • ଭିଡିଓ
 
WhatsApp chat
  • ରାଜ୍ୟ
  • ନୟାଗଡ
  • ଜାତୀୟ
  • ରାଜନୀତି
  • ଯୋଜନା ଓ ବିକାଶ
  • ଶିକ୍ଷା
  • ବାଣିଜ୍ୟ
  • କ୍ରୀଡ଼ା
  • ଅପରାଧ
  • ମନୋରଂଜନ
  • ଭିଡିଓ
No Result
View All Result
ବାଘୁଆବାର୍ତ୍ତା

ସୁପ୍ରିମ୍‌କୋର୍ଟଙ୍କ ନିର୍ଦ୍ଦେଶକୁ ଅବମାନନା : ଥାଳି ଥୋଇ ମାଡ଼ି ବସିଛନ୍ତି ଜାଗା

by ସଞ୍ଜୟ ସ୍ୱାଇଁ
December 18, 2024
in Feature News, State
ଆଜି ୪ ଘଣ୍ଟା ସାଧାରଣ ଦର୍ଶନ ବନ୍ଦ
103
VIEWS
Share on FacebookShare on Twitter

ପୁରୀ, (ବାଘୁଆବାର୍ତ୍ତା): ସୁପ୍ରିମ୍‌କୋର୍ଟଙ୍କ ନିର୍ଦ୍ଦେଶକୁ କାଣିଚାଏ ପାଳନ କରୁନି ଶ୍ରୀମନ୍ଦିର ପ୍ରଶାସନ । ଶ୍ରୀମନ୍ଦିର ପରିସରରେ ଯିଏ ଯେଉଁଠି ପାରୁଛି ଥାଳି ଥୋଇ ଟଙ୍କା ଆଦାୟ କରୁଛି । ଶ୍ରୀମନ୍ଦିର ପରିସରରେ ମନଇଛା ଥାଳି ଥୋଇ ଟଙ୍କା ଆଦାୟ କରିବାକୁ ବନ୍ଦ କରିବା ପାଇଁ ସୁପ୍ରିମ୍‌କୋର୍ଟଙ୍କ ସ୍ପଷ୍ଟ ନିର୍ଦ୍ଦେଶ ରହିଛି । ୨୦୧୯ ନଭେମ୍ବର ୪ରେ ଶ୍ରୀମନ୍ଦିରରେ ବିଭିନ୍ନ ଶୃଙ୍ଖଳା ଓ ସଂସ୍କାର ଆଣିବା ନିମନ୍ତେ ପ୍ରାୟ ୨୨ଟି ନିର୍ଦ୍ଦେଶ ପାଳନ କରିବାକୁ କୁହାଯାଇଥିଲା । ହେଲେ ଏହାକୁ ପାଳନ କରିବାକୁ ନା ସରକାର ଦୃଷ୍ଟି ଦେଉଛନ୍ତି ନା ଶ୍ରୀମନ୍ଦିର ପ୍ରଶାସନ । ସୁପ୍ରିମ୍‌କୋର୍ଟଙ୍କ ନିର୍ଦ୍ଦେଶ ପାଳନ ଏବଂ ଥାଳି ଥୋଇ ଟଙ୍କା ଆଦାୟ ବନ୍ଦ କରିବା ନେଇ ମଙ୍ଗଳବାର ଜଣେ ଆଇନଜୀବୀ ଜିଲ୍ଲାପାଳଙ୍କ ନିକଟରେ ଅଭିଯୋଗ କରିଛନ୍ତି । ଶ୍ରୀମନ୍ଦିରରେ ଥାଳି ଥୋଇ ଟଙ୍କାର ଆଦାୟ କାର୍ଯ୍ୟକୁ ବନ୍ଦ କରିବା ପାଇଁ ଅତୀତରେ ଶ୍ରୀମନ୍ଦିର ପରିଚାଳନା କମିଟିରେ ନିଷ୍ପତ୍ତି ହୋଇଥିଲା । ଥାଳି ରହୁଥିବା ସ୍ଥାନରେ ମହାପ୍ରଭୁଙ୍କ ଦାନ ହୁଣ୍ଡି ସ୍ଥାପନ କରିବାକୁ ମଧ୍ୟ ନିଷ୍ପତ୍ତି ନିଆଯାଇଥିଲା । ମାତ୍ର ଭିତିରି ମଧୁଚନ୍ଦ୍ରିକା ଯୋଗୁ ନିଷ୍ପତ୍ତି ଏପର୍ଯ୍ୟନ୍ତ ପାଳନ ହେଲାନାହିଁ । ଅଭିଯୋଗରେ ଉଲ୍ଲେଖ କରାଯାଇଛି ଯେ, ଶ୍ରୀଜଗନ୍ନାଥ ମନ୍ଦିର ଗରୁଡ଼ ସ୍ତମ୍ଭ ସମ୍ମୁଖରେ ନିୟମିତ ବିରାଟ ଥାଳି ଥୋଇ ନାଟମଣ୍ଡପ ଜାଗା ମାଡ଼ି ବସିଛନ୍ତି କିଛି ସେବାୟତ । ଥାଳି ଥୋଇ ଭକ୍ତଙ୍କଠାରୁ ଟଙ୍କା ଆଦାୟ କରାଯାଉଛି । ମହାପ୍ରଭୁଙ୍କ ନିକଟକୁ ଦାନ ଅର୍ଥ ଯାଉଥିବା ଭାବି ଏହି ଥାଳିରେ ଭକ୍ତମାନେ ଟଙ୍କା ପକାଉଛନ୍ତି । ମାତ୍ର ଅସଲରେ ଏହି ସମସ୍ତ ଟଙ୍କାକୁ କିଛି ସେବାୟତ ନେଉଛନ୍ତି । ଗହଳି ଦିନମାନଙ୍କରେ ଏହି ଥାଳିରେ ଟଙ୍କା ପକାଇବାକୁ କିଛି ସେବାୟତ ଭକ୍ତଙ୍କୁ ବାଧ୍ୟ କରୁଛନ୍ତି । ସକାଳ ମଙ୍ଗଳଆଳତି ପରଠାରୁ ରାତ୍ର ପହୁଡ଼ ପର୍ଯ୍ୟନ୍ତ ଏହି ଥାଳିରେ ଭକ୍ତମାନେ ହଜାର ହଜାର ଟଙ୍କା ପକାଉଛନ୍ତି । ଫଳରେ ଶ୍ରୀଜଗନ୍ନାଥ ମନ୍ଦିରରେ ପ୍ରଶାସନ ସ୍ଥାପନ କରିଥିବା ହୁଣ୍ଡିରେ ଦାନ ଅର୍ଥ ପରିମାଣ କମୁଛି । ଏହି ଥାଳି ଗରୁଡ଼ ସ୍ତମ୍ଭ ନିକଟରେ ଥୁଆଯିବା ଦ୍ୱାରା ଶ୍ରଦ୍ଧାଳୁଙ୍କ ଯାତାୟାତରେ ସମସ୍ୟା ମଧ୍ୟ ହେଉଛି । ଶ୍ରଦ୍ଧାଳୁଙ୍କ ଦର୍ଶନ ଶୃଙ୍ଖଳା ନିମନ୍ତେ ଏହି ଥାଳି ଥୋଇ ଟଙ୍କା ଆଦାୟ ବନ୍ଦ କରାଯାଉ । କିଛି ଅଧିକାରୀ ଓ ସେବାୟତଙ୍କ ଭିତରେ ମଧୁଚନ୍ଦ୍ରିକାରୁ ଥାଳି ହଟାଯିବାକୁ ପଦକ୍ଷେପ ନିଆଯାଉନାହିଁ ।ଥାଳି ରଖାଯିବା ଦ୍ୱାରା ଗହଳି ଦିନମାନଙ୍କରେ ଗରୁଡ଼ସ୍ତମ୍ଭଠାରୁ ଭକ୍ତମାନେ ଜଗା ଦର୍ଶନରେ ସବୁଠାରୁ ବେଶି ଆସୁବିଧା ଭୋଗୁଛନ୍ତି । ଏହି ଅଭିଯୋଗର ତଦନ୍ତ କରି ଉଚିତ୍‌ କାର୍ଯ୍ୟାନୁଷ୍ଠାନ ନିମନ୍ତେ ଜିଲ୍ଲାପାଳଙ୍କ ନିକଟରେ ଦାବି ହୋଇଛି । ସୂଚନାଯୋଗ୍ୟ ଯେ, ଶ୍ରୀମନ୍ଦିର ସିଂହଦ୍ୱାର ସମ୍ମୁଖ ଅରୁଣସ୍ତମ୍ଭ ଠାରୁ ଆରମ୍ଭ କରି ଲକ୍ଷ୍ମୀ ମନ୍ଦିର, ବିମଳା ମନ୍ଦିର, ଭୁବନେଶ୍ୱରୀ ମନ୍ଦିର, କାନପତା ହନୁମାନ ମନ୍ଦିର ପ୍ରଭୃତି ପ୍ରମୁଖ ପାଶ୍ୱର୍ ଦେବଦେବୀ ମନ୍ଦିରରେ ମଧ୍ୟ ଥାଳି ଥୋଇ ଟଙ୍କା ଆଦାୟ ହେଉଛି । ଏହାକୁ ହଟାଇବା ଓ ଜଗନ୍ନାଥ ମହାପ୍ରଭୁଙ୍କ ହୁଣ୍ଡି ସ୍ଥାପନ ନିମନ୍ତେ ଏପର୍ଯ୍ୟନ୍ତ ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆଯାଇନାହିଁ ।

ଏମ୍‌ଏମ୍‌ଡିଆର୍ ପ୍ରସଙ୍ଗ ; ରାଜ୍ୟ ସ୍ୱାର୍ଥ ଅପେକ୍ଷା ବିଜେପି ସ୍ୱାର୍ଥକୁ ସୁରକ୍ଷା

ଏମ୍‌ଏମ୍‌ଡିଆର୍ ପ୍ରସଙ୍ଗ ; ରାଜ୍ୟ ସ୍ୱାର୍ଥ ଅପେକ୍ଷା ବିଜେପି ସ୍ୱାର୍ଥକୁ ସୁରକ୍ଷା

August 30, 2026
ଛାତ୍ର ସଂଗଠନକୁ ଗୁରୁମନ୍ତ୍ର ଦେଲେ ଅରୁଣ

ଛାତ୍ର ସଂଗଠନକୁ ଗୁରୁମନ୍ତ୍ର ଦେଲେ ଅରୁଣ

August 30, 2026
ଜିଲ୍ଲାସ୍ତରୀୟ ୧୨ତମ ଆନ୍ତର୍ଜାତୀୟ ଯୋଗ ଦିବସ ପାଳିତ

ଜିଲ୍ଲାସ୍ତରୀୟ ୧୨ତମ ଆନ୍ତର୍ଜାତୀୟ ଯୋଗ ଦିବସ ପାଳିତ

June 22, 2026
ବିଶ୍ୱ ଶିଶୁ ଶ୍ରମ ନିଷେଧ ଦିବସ

ବିଶ୍ୱ ଶିଶୁ ଶ୍ରମ ନିଷେଧ ଦିବସ

June 12, 2026
ନୟାଗଡ଼ ରୋଟାରୀ କ୍ଲବ ପରିଦର୍ଶନ କଲେ ଜିଲ୍ଲା ଗଭର୍ଣ୍ଣର

ନୟାଗଡ଼ ରୋଟାରୀ କ୍ଲବ ପରିଦର୍ଶନ କଲେ ଜିଲ୍ଲା ଗଭର୍ଣ୍ଣର

June 7, 2026

© 2025 Baghuabarta. Designed & Developed by WebHunk International

No Result
View All Result
  • ରାଜ୍ୟ
  • ନୟାଗଡ
  • ଜାତୀୟ
  • ରାଜନୀତି
  • ଯୋଜନା ଓ ବିକାଶ
  • ଶିକ୍ଷା
  • ବାଣିଜ୍ୟ
  • କ୍ରୀଡ଼ା
  • ଅପରାଧ
  • ମନୋରଂଜନ
  • ଭିଡିଓ
WhatsApp chat
error: Content is protected !!