ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ଓଡ଼ଗାଁ ଥାନା କୁରାଳ ଫାଣ୍ଡି ଅଂଚଳରେ ପୁଣି ଜଣେ ଯୁବକ ଆତ୍ମହତ୍ୟା କରିଥିବା ଜଣାଯାଇଛି । ଗତ ଗୁରବାର ଦିନ କୁରାଳ ଗଡ଼ସାହିର ଜଣେ ଯୁବକ ଆତ୍ମହତ୍ୟା କରିଥିବା ବେଳେ ଆଜି ଗିରିଡ଼ିପଲ୍ଲୀର ଜଣେ ଯୁବକ ପୁଣି ଆତ୍ମହତ୍ୟା କରିଛନ୍ତି । ସୂଚନା ଅନୁସାରେ ଗିରିଡ଼ିପଲ୍ଲୀ ଗ୍ରାମର ଦେବରାଜ ବେହେରାଙ୍କ ମଧ୍ୟମ ପୁତ୍ର ଦେବୀପ୍ରସାଦ ବେହେରା(୧୯) ଘରେ କେହି ନଥିବା ସମୟରେ ରବିବାର ସକାଳୁ ବେକରେ ରସି ଲଗାଇ ଆତ୍ମହତ୍ୟା କରଛନ୍ତି । ଆତ୍ମହତ୍ୟାର କାରଣ ବର୍ତ୍ତମାନ ପର୍ଯ୍ୟନ୍ତ ଅସ୍ପଷ୍ଟ ରହିଥିବା ବେଳେ ଓଡ଼ଗାଁ ପୋଲିସ ଘଟଣା ସ୍ଥଳରେ ପହଁଚି ଶବ ଜବତ କରି ବ୍ୟବଛେଦ ପରେ ଶବ ପରିବାର ଲୋକଙ୍କୁ ହସ୍ତାନ୍ତର କରିଛି । ଅନ୍ୟପକ୍ଷେ, ଓଡ଼ଗାଁ ଅଂଚଳରେ ପୁଲିସ ରେକର୍ଡ଼ ଅନୁସାରେ ଏହା ଦ୍ୱିତୀୟ ଆତ୍ମହତ୍ୟା ବୋଲି ଜଣାଯାଇଥିବା ବେଳେ ବାସ୍ତବରେ ଏହା ତୃତୀୟ ଆତ୍ମହତ୍ୟା ବୋଲି ଆଲୋଚନା ହେଉଛି । ଦୁଇ ଦିନ ତଳେ ଅନ୍ୟ ଜଣେ ମଧ୍ୟ ଆତ୍ମହତ୍ୟା କରିଥିବା ଏବଂ ପୁଲିସ କେଶ ହୋଇନଥିବା ଜଣାଯାଇଛି ।
ଓଡ଼ଗାଁ ଅଂଚଳରେ ଆଉ ଜଣେ ଯୁବକଙ୍କ ଆତ୍ମହତ୍ୟା: କାରଣ ଅସ୍ପଷ୍ଟ
