ବାଲିପାଟଣା, (ବାଘୁଆବାର୍ତ୍ତା): ଗାଡି କିଣିବା ପାଇଁ ଟଙ୍କା ନଦେବାରୁ ଯୁବକଙ୍କ ଆତ୍ମହତ୍ୟା । ଯୁବକ ଜଣଙ୍କ ହେଉଛନ୍ତି ବାଲିପାଟଣା ଥାନା କୁଳନ୍ତିରାଶାସନ ଗ୍ରାମର ଦିବ୍ୟ ପ୍ରସାଦ ମହାନ୍ତି । ଶୋଇବା ଘରେ ବେକରେ ଗାମୁଛା ଲଗାଇ ସେ ଆତ୍ମହତ୍ୟା କରିଛନ୍ତି । ଖବର ପାଇ ବାଲିପାଟଣା ପୋଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ କ୍ୟାପିଟାଲ ହସ୍ପିଟାଲ୍ ପଠାଇଛି । ଉଲ୍ଲେଖଯୋଗ୍ୟ ଯେ, ଦିବ୍ୟପ୍ରସାଦ ଏକ ବାଇକ୍ କିଣିବା ପାଇଁ ଘରେ ୧୦ ହଜାର ଟଙ୍କା ମାଗିଥିଲେ । ମାତ୍ର ଟଙ୍କା ଦେବା ପାଇଁ ଘର ଲୋକ ରାଜି ହୋଇନଥିଲେ । ଏଥିରେ ଦିବ୍ୟପ୍ରସାଦ ମାନସିକ ଭାରସାମ୍ୟ ହରାଇ ଆତ୍ମହତ୍ୟା କରିଛନ୍ତି ।
