ସୋର, (ବାଘୁଆବାର୍ତ୍ତା): ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର। ହତ୍ୟା ଅଭିଯୋଗ ଅଣିଲେ ପରିବାର ଲୋକ। ମୃତକ ଜଣଙ୍କ ହେଉଛନ୍ତି ବାଲେଶ୍ଵର ଜିଲ୍ଲା ସୋର ଥାନା ତଳନଗର ପଞ୍ଚାୟତ ଗଣ୍ଡତରା ଗ୍ରାମର ସୁଦାମ ମହାକୁଡଙ୍କ ପୁଅ ମାନସ ମହାକୁଡ। ମାନସଙ୍କ ମୃତଦେହ ଗାଁ ଶେଷ ମୁଣ୍ଡରେ ବିଲରେ ଥିବା ଏକ ନିମ୍ବ ଗଛରେ ଝୁଲୁଥିବା ଗ୍ରାମବାସୀ ଦେଖିବାକୁ ପାଇଥିଲେ। ମାନସ ହାଇଦ୍ରାବାଦରେ କାମ କରୁଥିଲେ। ଗତ ମାସ ହାଇଦ୍ରାବାଦରେ ଜଣେ ସାଙ୍ଗର ହତ୍ୟା ହେବା ପରେ ମାନସ ସାଙ୍ଗର ମୃତଦେହ ନେଇ ଔପଦା ଫେରିଥିଲା। ସାଙ୍ଗର ମୃତଦେହ ନେଇ ଆସିବା ପରେ ଏହି ହତ୍ୟାକାଣ୍ଡରେ ମାନସଙ୍କ ସମ୍ପୃକ୍ତି ଥିବା ନେଇ ସାଙ୍ଗର ପରିବାର ଲୋକ ଅଭିଯୋଗ କରିବା ସହ ବିଭିନ୍ନ ସମୟରେ ତାଙ୍କୁ ମାନସିକ ନିର୍ୟାତନା ଦେଉଥିଲେ । ଏହି ଘଟଣାକୁ ନେଇ ମାନସ କିଛି ଦିନ ହେବ ମାନସିକ ଅବସାଦରେ ଥିବା ସାଙ୍ଗମାନଙ୍କ ନିକଟରେ ପ୍ରକାଶ କରିଥିଲେ । ଆଜି ସକାଳେ ମାନସର ମୃତଦେହ ନିମ୍ବ ଗଛରେ ଝୁଲୁଥିବା ଦେଖି ପରିବାର ଲୋକ ପୋଲିସକୁ ଖବର ଦେଇଛନ୍ତି । ଘଟଣାସ୍ଥଳରେ ସୋର ପୋଲିସ ପହଞ୍ଚି ଶବ ଜବତ କରିବା ସହ ତଦନ୍ତ କରୁଥିବା ବେଳେ ମାନସର ପରିବାର ଲୋକ ହତ୍ୟା ଅଭିଯୋଗ କରିଛନ୍ତି।





