ପ୍ରେମ ବିବାହ ହେଲେ ବି ବିବାହ ପୂର୍ବରୁ ବର ଚମ୍ପଟ, କନ୍ୟାର ଝୁଲନ୍ତା ମୃତ ଦେହ ଉଦ୍ଧାର

ଢେଙ୍କାନାଳ, (ବାଘୁଆବାର୍ତ୍ତା): ସବୁ ଠିକ୍ ଠାକ୍ ଥିଲା । ବାହାଘର ପାଇଁ ଖୁସି ଥିଲେ ପରିବାର ଲୋକେ । କିନ୍ତୁ ଛାଇଗଲା ଦୁଃଖର କଳାବାଦଲ। ସନ୍ଦେହଜନକ ସ୍ଥିତିରେ ଜୀବନ ହାରିଲା କନ୍ୟା । ଏପରି ଅଭାବନୀୟ ଘଟଣା ଘଟିଛି ଢେଙ୍କାନାଳ ଜିଲ୍ଲା ମୋଟଙ୍ଗା ଥାନା ଅନ୍ତର୍ଗତ ପନେଇଲ ଗ୍ରାମରେ । ଗାଁରେ ଜଣେ ଯୁବତୀଙ୍କ ସହ ଅନ୍ୟ ଜଣେ ଯୁବକଙ୍କ ସହ ପ୍ରେମ ବିବାହ ସ୍ଥିର ହୋଇଥିଲା । ସବୁ ବନ୍ଦୋବସ୍ତ ବି ସରିଥିଲା । କିନ୍ତୁ ବିବାହ ପୂର୍ବରୁ କନ୍ୟାର ସନ୍ଦେହ ଜନକ ମୃତ୍ୟୁ ଘଟିଛି । ଘର ଫ୍ୟାନରୁ ଯୁବତୀଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି । ଏପରିକି ବର ଚମ୍ପଟ ମଧ୍ୟ ମାରିଥିବା ଜଣାପଡିଛି । ସବୁଠାରୁ ବଡ କଥା ହେଲା ଯେ, ଉଭୟ ବର ଓ କନ୍ୟା ପ୍ରେମ କରି ବିବାହ ପାଇଁ ସ୍ଥିର କରିଥିଲେ । ପରିବାର ଲୋକେ ମଧ୍ୟ ରାଜିଥିଲେ । ଏପରିକି ପ୍ରେମ ବିବାହ ପାଇଁ ମାସକ ପୂର୍ବରୁ ବର କନ୍ୟା ଘରେ ମଧ୍ୟ ରହୁଥିଲା ବୋଲି ଜଣାପଡିଛି । ଘଟଣାସ୍ଥଳରେ ପୋଲିସ ପହଁଚି ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛି ।