ନୟାଗଡ଼,(ବାଘୁଆବାର୍ତ୍ତା): ଜିଲ୍ଲା ସଂସ୍କୃତି ପରିଷଦ ଏବଂ ନାଟ୍ୟଧାରା ଆନୁକୂଲ୍ୟରେ ଆଜି ନାଟକ ମହୋତ୍ସବର ଚତୁର୍ଥ ଦିବସରେ ରାଉଲକେଲା କଳାପରିଷଦ ‘ସୁଭଦ୍ରାର ସ୍ୱପ୍ନ’ ନାଟକ ମଞ୍ଚସ୍ଥ ହୋଇଯାଇଛି । ପଠାଣି ସାମନ୍ତ ପ୍ରେକ୍ଷାଳୟ ପରିସରରେ ପରିବେଷଣ ହେଉଥିବା ଚତୁର୍ଥ ଦିବସ ନାଟକକୁ ମୁଖ୍ୟଅତିଥି ଭାବେ ପଞ୍ଚାନନ ସାହୁ ଯୋଗ ଦେଇ ଉଦଘାଟନ କରିଥିଲେ । ଉକ୍ତ ନାଟକର ରଚନା ପ୍ରଫେସର ରାମଚନ୍ଦ୍ର ମିଶ୍ର କରିଥିବା ବେଳେ ବିଜୟ କୁମାର ଭୋଳଙ୍କ ନିର୍ଦ୍ଦେଶନାରେ ‘ସୁଭଦ୍ରାର ସ୍ୱପ୍ନ’ ନାଟକ ମହୋତ୍ସବର ଚତୁର୍ଥ ଦିବସରେ ପରିବେଷଣ ହେଉଅଛି । ଏହି ନାଟକଟି ନାଟକ ପ୍ରେମୀମାନେ ପଠାଣି ସାମନ୍ତ ପ୍ରେକ୍ଷାଳୟରେ ଉତ୍ସାହର ସହିତ ଉପଭୋଗ କରିଥିବା ଜଣାପଡିଛି । ନାଟ୍ୟଧାରା ସଭାପତି ପ୍ରମୋଦ ପଟ୍ଟନାୟକ, ସଂପାଦକ ଲକ୍ଷ୍ମୀଧର ମହାପାତ୍ର, ନିର୍ଦ୍ଦେଶକ ଡ଼ ବିଜୟ ଚୌଧୁରୀ ପ୍ରମୁଖ ଉପସ୍ଥିତ ଥିଲେ ।
