ଜରାଶ୍ରମରେ ପୁଅର ଜନ୍ମଦିନ ପାଳିଲେ ଉପଜିଲ୍ଲାପାଳ

ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜରାଶ୍ରମରେ ପୁଅର ଜନ୍ମଦିନ ପାଳିଲେ ନୟାଗଡ଼ ଉପଜିଲ୍ଲାପାଳ । ପୂର୍ବାହ୍ନରେ ଉପଜିଲ୍ଲାପାଳ ଲଗ୍ନଜିତ ରାଉତ ସପରିବାର ଜରାଶ୍ରମରେ ପହଂଚି ଅନ୍ତବାସୀଙ୍କ ସହ ବିଭିନ୍ନ ସମସ୍ୟା ଉପରେ ଆଲୋଚନା କରିଥିଲେ । ତାଙ୍କ ପୁଅ ଅହସ୍କରଙ୍କ ଆଜି ୧୬ ତମ ଜନ୍ମଦିନ ଅବସରରେ ସେ ଅନ୍ତବାସୀଙ୍କ ସହ ମିଶି ସକାଳ ଜଳଖିଆ କରିବା ସହ ରାତ୍ରି ଭୋଜନର ବ୍ୟବସ୍ଥା କରିଛନ୍ତି । ବାହ୍ୟ ଚାକଚକ୍ୟରୁ ଦୂରେଇ ଉପଜିଲ୍ଲାପାଳଙ୍କ ଏଭଳି ପଦକ୍ଷେପକୁ ସବୁ ମହଲରୁ ପ୍ରଶଂସା କରାଯାଇଛି ।