ଢେଙ୍କାନାଳ (ବାଘୁଆବାର୍ତ୍ତା): ମୋବାଇଲ ଦେଖିବାରେ ବ୍ୟସ୍ତ ଥିବା ମେଧାବୀ ଇଂଜିନିୟରିଂ ଛାତ୍ର ପୁଲିସ ଗାଡି ଦେଖି ଜାଣିପାରିନଥିଲେ କଣ କରିବ । ଗାଡି ଲାଇଟ ଦେଖି ଅନ୍ଧାରୁଆ ଦୌଡିବା ଯୋଗୁ ପରିତ୍ୟକ୍ତ କୂଅରେ ପଡିଯାଇ ମୃତ୍ୟୁବରଣ କରିଛନ୍ତି । ନିହଲ ପ୍ରସାଦ ପୁଲିସ ସୂତ୍ରରୁ ମିଳିଥିବା ଖବର ଅନୁସାରେ ଢେଙ୍କାନାଳ ଜିଲ୍ଲା ଗଁଦିଆ ବ୍ଳକ ପିଙ୍ଗୁଆ ଗ୍ରାମର ହୂଷିକେଶ ବାରିକଙ୍କ ପୁଅ ବିଭୂଚନ୍ଦ୍ର ବାରିକ (୨୦) ମଙ୍ଗଳବାର ସନ୍ଧ୍ୟାରେ ପିଙ୍ଗୁଆରୁ ମଂଜୁରୀପଡା ରାସ୍ତାରେ ପାଟଣାସାହି ରାସ୍ତାକଡ଼ରେ କଲଭର୍ଟ ଉପରେ ସାଥୀମାନଙ୍କ ସହ ବସି ମୋବାଇଲ ଦେଖୁଥିଲେ । ନିହାଲପ୍ରସାଦ ପୁଲିସ ସେମାନଙ୍କୁ ତାଗିତ କାରି ମଞ୍ଜୁରୀପଡା ଆଡକୁ ଯାଇଥିଲେ । ମଂଜୁରୀପଡା ପଟରୁ ଏକ ଗାଡି ଆସିବାର ଦେଖି ମୋବାଇଲ ଦେଖୁଥିବା ଯୁବକ ଦୌଡିବା ଆରମ୍ଭ କରିଥିଲେ । ବିଭୁଚନ୍ଦ୍ର ଅନ୍ଧାରୁଆ କୂଅରେ ପଡିଯାଇଥିଲେ । ପରିବାର ଲୋକ ବହୁ ସମୟ ଖୋଜାଖୋଜି କରିବା ପରେ କୂଅରେ ପଡିଥିବାର ସନ୍ଦେହ କରି ଗଁଦିଆ ଅଗ୍ନିଶମ ସଂସ୍ଥାକୁ ଖବର ଦେଇଥିଲେ । ଶବକୁ ଉଦ୍ଧାର କରାଯାଇ ଢେଙ୍କାନାଳରେ ବ୍ୟବଛେଦ କରାଯିବାକୁ ନିଆଯାଇଛି । ବିଭୂଚନ୍ଦ୍ର ଜଣେ ଗରିବ ମେଧାବୀ ବିଦ୍ୟାର୍ଥୀ ବଡ଼ କଷ୍ଟରେ ଇଂଜିନିୟରିଂ କଲେଜରେ ପଢୁଥିଲେ ।
