ନଦୀରେ ଭାସିଯାଇଥିବା ଛାତ୍ର ଉଦ୍ଧାର: ମୃତ ଘୋଷଣା କଲେ ଡାକ୍ତର

ନୟାଗଡ଼, (ବାଘୁଆବାର୍ତ୍ତା): ଆଜି ସକାଳୁ ଘଟିଥିଲା ଅଘଟଣ । ନଦୀରେ ବୁଡ଼ ପକାଇଲା ବେଳେ ଭାସିଯାଇଥିଲା ନବମ ଶ୍ରେଣୀର ଛାତ୍ର । ବହୁ ଖୋଜାଖୋଜି କରିବା ପରେ ଛାତ୍ରକୁ ଉଦ୍ଧାର କରାଯାଇଛି । ହେଲେ ହସ୍ପିଟାଲରେ ଡାକ୍ତର ଉକ୍ତ ଛାତ୍ରଙ୍କୁ ମୃତ ଘୋଷଣା କରିଥିବା ଜଣାପଡିଛି । କାର୍ତ୍ତିକ ପୂର୍ଣ୍ଣିମାରେ ଢ଼େଙ୍କାନାଳ ଜିଲ୍ଲା ବ୍ରାହ୍ମଣୀ ନଦୀ ବୁଦେ୍ଧଶ୍ୱର ଘାଟରେ ଡ଼ଙ୍ଗା ଭସାଇବାକୁ ଯାଇଥିଲେ ରୋଶନ ନାୟକ । ଏହି ସମୟରେ ନଦୀରେ ସେ ଭାସିଯାଇଥିଲେ । ଜଣେ ମାଛ ଧରାଳିଙ୍କ ଜାଲ ସହାୟତାରେ ରୋଶନଙ୍କୁ ଉଦ୍ଧାର କରାଯାଇଥିଲା । ପ୍ରଥମେ ଭୁବନ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଓ ପରେ ଢ଼େଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କୁ ଡ଼ାକ୍ତର ମୃତ୍ୟୁ ଘୋଷଣା କରିଛନ୍ତି । ଲତାବିଲ ଗାଁର ବିଦ୍ୟାଧର ନାୟକଙ୍କ ୧୨ବର୍ଷର ପୁଅ ହେଲେ ରୋଶନ ନାୟକ । ଅସାବଧାନତା କାରଣରୁ ଡ଼ଙ୍ଗା ଭସାଉଥିବାବେଳେ ରୋଶନ ବ୍ରାହ୍ମଣୀ ନଦୀର ଜଳସ୍ରୋତରେ ଭାସିଯାଇଥିଲେ । ଖବର ପାଇ ଅଗ୍ନିଶମ ବାହିନୀ ଉଦ୍ଧାର କାର୍ୟ୍ୟ କରିଥିଲେ । ତେବେ ବନ୍ଦାଳ ଗାଁର ଜଣେ ମାଛ ଧରାଳିଙ୍କ ଜାଲ ସାହାଯ୍ୟରେ ରୋଶନଙ୍କୁ ଉଦ୍ଧାର କରାଯାଇଥିଲା । ରୋଶନଙ୍କ ମୃତ୍ୟୁରେ ଗାଁରେ ଶୋକାର ଛାୟା ଖେଳିଯାଇଛି ।