ଗାଁ ଭିତରେ ପାଇପ ଯୋଗେ ପାଣି ଆସିବ କହି ସାଧା କାଗଜରେ ଦସ୍ତଖତ କରାଇ ପରେ ବ୍ରଏଲର ଫାର୍ମକୁ ଅନୁମତି

ପାଟଣା, (ବାଘୁଆବାର୍ତ୍ତା): କେନ୍ଦୁଝର ଜିଲ୍ଲାର ପାଟଣା ବ୍ଲକ ଟାଙ୍ଗରପଡା ପଞ୍ଚାୟତ ଅଙ୍କୁରା ଗ୍ରାମର ଝପାସାହିରେ ହେବାକୁ ଯାଉଥିବା ଏକ ବ୍ରଏଲର ଫାର୍ମକୁ ଗ୍ରାମାବାସୀ ବିରୋଧ । ଏହାସହ ସ୍ଥାନୀୟ ସରପଞ୍ଚ ରଞ୍ଜୁଲତା ନାଏକ ବିନା ପଲ୍ୟୁସନ କଣ୍ଟ୍ରୋଲ ବୋର୍ଡଙ୍କ ଅନୁମତିରେ ଏଠାରେ କୁକୁଡ଼ା ଫାର୍ମ ନିର୍ମାଣ ପାଇଁ ଅନୁମତି ଦେଇଥିବା ଅଭିଯୋଗ କରିଛନ୍ତି । ଏଥିସହ ସରପଞ୍ଚ କିଛି ଲୋକଙ୍କୁ ପାଇପ ଯୋଗେ ପାଣି ଆସିବ କହି ସାଧା କାଗଜରେ ଦସ୍ତଖତ କରାଇବା ପରେ ବ୍ରଏଲର ଫାର୍ମକୁ ଅନୁମତି ଦେଇଥିବା ଅଭିଯୋଗ ଆଣିଛନ୍ତି । ଏଠାରେ ହେବାକୁ ଯାଉଥିବା ୧୩ହଜାର କ୍ଷମତା ସମ୍ପନ୍ନ କୁକୁଡ଼ା ଫାର୍ମ ହେଲେ ସାହି ଲୋକେ ସ୍ବାଭାବିକ ଜୀବନ ଯାପନ କରିପାରିବେ ନାହିଁ ତା ଛଡ଼ା ଦୁର୍ଗନ୍ଧ ଓ କୁକୁଡ଼ା ଫାର୍ମରୁ ନିର୍ଗତ ହେବା ବର୍ଜ୍ୟବସ୍ତୁ ଅସ୍ବାସ୍ଥ୍ୟକର ପରିବେଶ ସୃଷ୍ଟି କରିବା ଅଭିଯୋଗ ଆଣି ବିରୋଧ କରିଛନ୍ତି । ଏସମ୍ପର୍କରେ ଗ୍ରାମବାସୀ ସଭା କରି ସରପଞ୍ଚଙ୍କୁ ଡକାଇ ଥିଲେ ମଧ୍ୟ ସେ ନ ଆସି ତାଙ୍କ ସ୍ବାମୀ ଆସିଥିବାରୁ ଗ୍ରାମବାସୀଙ୍କ ପ୍ରଶ୍ନବାଣରେ ଘାଇଲା ହୋଇଥିଲେ । ଆଗକୁ ଯଦି ଉକ୍ତ ଜାଗାରେ କୁକୁଡ଼ା ଫାର୍ମ ହୁଏ ତେବେ ପଞ୍ଚାୟତ କାର୍ୟ୍ୟାଳୟ ଓ ବ୍ଲକ କାର୍ୟ୍ୟାଳୟ ଘେରାଉ କରିବେ ବୋଲି ଝପାସାହି ବାସିନ୍ଦା ଚେତାବନୀ ଦେଇଛନ୍ତି।