ସ୍ୱୟଂ ସହାୟକ ଗୋଷ୍ଠୀର ମହିଳାମାନେ ମଦ ବିରୋଧୀ ଆନ୍ଦୋଳନର ଡ଼ାକରା ଦେଇଥିଲେ

ନୂଆପଡ଼ା, (ବାଘୁଆବାର୍ତ୍ତା): ତେଜୁଛି ମଦବିରୋଧୀ ଆନ୍ଦୋଳନ। ନୂଆପଡ଼ା ଜିଲ୍ଲା ଘରଧରା ଗ୍ରାମରେ ମଦ ବିକ୍ରି ବନ୍ଦ ଦାବିରେ ଆନ୍ଦୋଳନ କରାଯାଇଛି। ଗାଁର ସ୍ୱୟଂ ସହାୟକ ଗୋଷ୍ଠୀର ମହିଳାମାନେ ନିଜ ଗାଁଠାରୁ ଭାଟି ପର୍ୟ୍ୟନ୍ତ ମଦ ବିରୋଧୀ ଆନ୍ଦୋଳନର ଡ଼ାକରା ଦେଇଥିଲେ। ଗାଁର ଯୁବକମାନେ ମଦ ପିଇ ପଥଭ୍ରଷ୍ଟ ହେଉଛନ୍ତି। ଯାହାଦ୍ୱାରା ସବୁବେଳେ ପରିବାର ମଧ୍ୟରେ ଅଶାନ୍ତି ଲାଗି ରହିଛି। ଏଥିପାଇଁ ଗ୍ରାମର ସବୁ ମଦ କୋଠି ବନ୍ଦ କରିବାକୁ କୁଲିଗାଁ ଭାଟିର ମ୍ୟାନେଜରଙ୍କୁ ମହିଳାମାନେ ଲିଖିତ ସ୍ୱାକ୍ଷର ମାଗିଛନ୍ତି। ଯିଏ ମଦ ପିଇବ ଭାଟିରେ ପିଇବା ସହ ଗାଁରେ ମଦ ଦିଆଯିବ ନାହିଁ। ଗାଁରେ କୋଠି ବନ୍ଦ କରି ଦିଆଯିବ ବୋଲି ପ୍ରତିଶ୍ରୁତି ଦେଇଛନ୍ତି।ତାଙ୍କ କଥାକୁ ବିଶ୍ୱାସ କରି ମହିଳାମାନେ ଆନ୍ଦୋଳନକୁ ଶେଷ କରିଥିଲେ। ଆଗାମୀ ଦିନରେ ଯଦି ମଦ ଦିଅନ୍ତି ତାହେଲେ ରାଜରାସ୍ତାକୁ ଓହ୍ଲାଇବା ସହ ଭାଟିକୁ ଜାଳିପୋଡ଼ି ପାଉଁଶ କରିଦେବେ ବୋଲି ଚେତାବନୀ ଦେଇଛନ୍ତି ଆନ୍ଦୋଳନକାରୀ।