୩ ଦିନ ହେଲା ଉଠାଇ ନେଇଥିଲା ପୁଅ, ଆଜି ଉଠାଇ ଆଣିଲା ଚାଇଲ୍ଡ ଲାଇନ

ଓଡ଼ଗାଁ, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ଓଡ଼ଗାଁ ଥାନା ବାହାଡ଼ଝୋଲା ଫାଣ୍ଡି ଅନ୍ତର୍ଗତ ବେରୁଆଁବାରି ଗ୍ରାମରେ ଆଜି ହୋଇଥାନ୍ତ ବାହାଘର । ୧୬ ବର୍ଷିୟ ନାବାଳିକାକୁ ଏହି ଗ୍ରାମର କୁଞ୍ଜ ନାୟକଙ୍କ ପୁଅ ଆଲୋକ ନାୟକ ୩ ଦିନ ହେଲା ଉଠାଇ ନେଇ ଘରେ ରଖିଥିଲା । ଝିଅ ପରିବାର ମଧ୍ୟ ବିବାହ ଘଟଣାକୁ ଜାଣି ଅଜଣାର ଅଭିନୟ କରୁଥିଲେ । କୈାଣସି ସୁତ୍ରରୁ ଖବରପାଇ ଚାଇଲ୍ଡ ଲାଇନ୍ ସଦସ୍ୟ ଚନ୍ଦ୍ର ଶେଖର ବେହେରା, ସ୍ୱର୍ଣ୍ଣଲତା ସାହୁ ଏବଂ ବାହାଡ଼ଝୋଲା ଫାଣ୍ଡି ପୁଲିସ ରମେଶ ଚନ୍ଦ୍ର ସାହୁ ବେରୁଆଁବାରି ଗ୍ରାମରେ ପହଂଚି ବିବାହ ଅଟକାଇ ଥିବା ସୂଚନ ମିଳିଛି । ଏଥିସହିତ ନାବାଳିକାକୁ ଉଦ୍ଧାର କରାଯାଇ ସିଡବ୍ଲ୍ୟୁସି ଅଧକ୍ଷ ସ୍ୱଦେଶ ମିଶ୍ରଙ୍କ ପାଖରେ ହାଜର କରାଯାଇଥିବା ବେଳେ ସେଠାରୁ ତପସ୍ୟାରେ ରଖାଯାଇଛି । ଜିଲ୍ଲାରେ ଚଳିତ ମାସରେ ୩ଟି ନାବାଳିକା ବିବାହକୁ ଅଟକା ଯାଇଥିବା ଜଣାଯାଇଛି ।