ଓଡ଼ଗାଁ (ବାଘୁଆବାର୍ତ୍ତା ବ୍ୟୁରୋ): ଗ୍ରୀଷ୍ମ ଅବକାଶ ପାଇଁ ବିଦ୍ୟାଳୟ ଗୁଡିକ ବନ୍ଦ ରହିଥିବା ବେଳେ ଏହାର ସୁଯୋଗ ନେଇ କେହି ଦୁବୃର୍ତ ଓଡଗାଁ ଥାନା ବାହାଡାଝୋଲା ଫାଣ୍ଡିର ବାହାଡାଝୋଲା ହାଇସ୍କୁଲରୁ କମ୍ପ୍ୟୁଟର ଚୋରାଇ ନେଇଥିବା ଥାନାରେ ଅଭିଯୋଗ ହୋଇଛି ।
ଭାରପ୍ରାପ୍ତ ପ୍ରଧାନ ଶିକ୍ଷକ ସୁରେଶ କୁମାର ସାହୁଙ୍କ ଅଭିଯୋଗ ଅନୁସାରେ ମାଟ୍ରିକ ପରିକ୍ଷାଦେଇଥିବା ପିଲା ମାନଙ୍କର ସାର୍ଟିଫିକେଟ ଦେବାକୁ ସକାଳେ ସ୍କୁଲକୁ ଯାଇଥିଲେ । କମ୍ପ୍ୟୁଟର ରୁମରେ ଲାଗିଥିବା ଲୁହାଗିଲ୍ର ର ତାଲା ଭାଙ୍ଗିଥିବା ଦେଖି ଗଲାବେଳକୁ କୋଠରିରୁ କମ୍ପ୍ୟୁଟର ଏବଂ ଆନୁସଂଗିକ ଯନ୍ତ୍ରାସ ଗୁଡିକ ଚୋରି ହୋଇଥିବା ଦେଖିବାକୁ ପାଇଥିଲେ । ଏନେଇ ଓଡଗାଁ ଥାନାରେ ଅଭିଯୋଗ ହେବା ପରେ ସବ-ଇନିସ୍ପେକ୍ଟର ବଂଶୀଧର ବିଶ୍ୱାଳ ଘଟଣା ସ୍ଥଳକୁ ଯାଇ ତଦନ୍ତ କରି ଫେରିଥିଲେ । ଏହିପରି ଭାବେ ବାହାଡାଝୋଲା ଅନ୍ତର୍ଗତ ବନ୍ତଳା ନୋଡାଲ ସ୍କୁଲରୁ ୪ଟି କମ୍ପ୍ୟୁଟର ମନିଟର ଚୋରି ହୋଇଥିବା ନେଇ ମେ ୧୬ ତାରିଖରେ ଓଡଗାଁ ଥାନାରେ ଅଭିଯୋଗ ହୋଇଥିଲା । ଗୋଟିଏ ପକ୍ଷରେ ଗ୍ରୀଷ୍ମ ଅବକାଶ
ଯୋଗୁଁ ବିଦ୍ୟାଳୟ ଗୁଡିକ ଛୁଟି ଥିବା ବେଳେ ଅନ୍ୟ ପକ୍ଷରେ ବାହାଡାଝୋଲା ଫାଣ୍ଡିରେ ଅଫିସର ପଦବି ଖାଲିଥିବା କାରଣରୁ ଦୁବୃର୍ତ୍ତ ମାନଙ୍କ ପାଇଁ ସୁଯୋଗ ସୃଷ୍ଟିକରିଛି ।
