ନୟାଗଡ଼,(ବାଘୁଆବାର୍ତ୍ତା): ରାଜ୍ୟ ସରକାର ଶ୍ରମିକମାନଙ୍କ ପାରିଶ୍ରମିକ ବୃଦ୍ଧି କରିଛନ୍ତି । ମୂଳ ମୁଲ୍ୟଠାରୁ ଦୈନିକ ୩ ଟଙ୍କା ବୃଦ୍ଧି କରାଯାଇଛି । ସମସ୍ତ ଶ୍ରେଣୀର ଶ୍ରମିକମାନଙ୍କ କ୍ଷେତ୍ରରେ ଏହି ବଦ୍ଧିତ ପାରିଶ୍ରମିକ ଲାଗୁ କରାଯାଇଛି । ଅଣକୁଶଳୀ ଶ୍ରମିକମାନଙ୍କ ପାଇଁ ଦୈନିକ ୩୦୮ ଟଙ୍କା ମଜୁରୀ ଥିବା ବେଳେ ଏହାକୁ ୩୧୧ ଟଙ୍କା କରାଯାଇଛି । ସେହିଭଳି ଭାବେ ଅର୍ଦ୍ଧକୁଶଳୀ ଶ୍ରମିକଙ୍କ ପାଇଁ ୩୪୮ ଟଙ୍କାକୁ ବୃଦ୍ଧି କରାଯାଇ ୩୫୧ ଟଙ୍କା କରାଯାଇଛି । କୁଶଳୀ ଶ୍ରମିକଙ୍କ ପାଇଁ ୩୯୮ ଟଙ୍କା ପରିବର୍ତ୍ତେ ୪୦୧ ଟଙ୍କା କରାଯାଇଛି । ଉଚ୍ଚକୁଶଳୀ ଶ୍ରମିକଙ୍କ ପାଇଁ ୪୫୮ ଟଙ୍କା ପରିବର୍ତ୍ତେ ୪୬୧ ଟଙ୍କା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ଶ୍ରମ ବିଭାଗ ପାରିଶ୍ରମିକ ବୃଦ୍ଧି କରିଛି । ଯାହାକୁ ନେଇ ବିଜୁ ଶ୍ରମିକ ସାମ୍ମୁଖ୍ୟ ରାଜ୍ୟ ସହ ସଂମ୍ପାଦକ ଶ୍ରୀକାନ୍ତ ପଟ୍ଟନାୟକ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଓ ଶୁଭେଚ୍ଛା ଜ୍ଞାପନ କରିଛନ୍ତି ।
