ଅମର ଯବାନଙ୍କ ପ୍ରତି ଶ୍ରଦ୍ଧାଞ୍ଜଳୀ

ନୟାଗଡ଼, (ବାଘୁଆବାର୍ତ୍ତା) : ଗତ ୧୫ ତାରିଖ ଦିନ ଲଦାଖର ଗଲୱାନା ଉପତ୍ୟକାରେ ଚୀନ ସୈନ୍ୟମାନଙ୍କ ସହିତ ମୁହାଁମୁହି ବେଳେ ଭାରତର ଜଣେ କର୍ଣ୍ଣେଲଙ୍କ ସମେତ ୨୦ଜଣ ଯବାନ ପ୍ରାଣ ହରାଇଥିଲେ । ଅମର ଯବାନଙ୍କ ପ୍ରାଣବଳି ଉଦ୍ଦେଶ୍ୟରେ ଏକ ଶ୍ରଦ୍ଧାଞ୍ଜଳି ତଥା ଶେକସଭା ସ୍ଥାନୀୟ ଖେଳପଡ଼ିଆଠାରେ ଅନୁଷ୍ଠିତ ହୋଇଯାଇଛି । ନୟାଗଡ଼ ଜିଲ୍ଲା ଲେଖକ ପରିଷଦ, ମା’ଫାଉଣ୍ଡେସନ, ପରଂପରା, ମୈତ୍ରୀ ଯୁବସଂସଦ, ଆର୍ଟ ପଏଣ୍ଟ ଆନୁକୁଲ୍ୟରେ ଅନୁଷ୍ଠିତ ଏହି ଶ୍ରଦ୍ଧାଞ୍ଜଳି ସଭାରେ ସମାଜ ସେବୀ ପ୍ରମୋଦ ପଟ୍ଟନାୟକ, ଶେଖ ଅବଦୁଲ ଖାଲିକ, ରଂଜନରଶ୍ମି ଜେନା, ନିର୍ମଳ ଶୂରଦେଓ, ଲକ୍ଷ୍ମୀଧର ସାହୁ, ଅଶୋକ ମଲ୍ଲ, ଉମାକାନ୍ତ ମିଶ୍ର, ଆଶୁତୋଷ ମିଶ୍ର, ବିଜୟାନନ୍ଦ ମହାପାତ୍ର, ପ୍ରଭାତ ମିଶ୍ର, ସୁରେନ୍ଦ୍ର ମହାପାତ୍ର, ନିମୁଦ୍ଦିନ ଖାଁ ପ୍ରମୁଖ ଯୋଗଦାନ କରି ଦୁଇ ମିନିଟ ନୀରବ ପ୍ରାର୍ଥନା ସହ ଅମର ଆତ୍ମା ପ୍ରତି ଗଭୀର ଶ୍ରଦ୍ଧାଞ୍ଜଳୀ ଜ୍ଞାପନ କରିଥିଲେ ।